Ortuzar: "Legealdia zertarako nahi duen argitu beharko du Sanchezek, inbestidurarako babesa lortu nahi badu"
EAJko presidente Andoni Ortuzar elkarrizketatu dute gaur, astelehenarekin, Radio Euskadiko "Boulevard" saioan, egungo egoera politikoaren nondik norakoak aztertzeko eta inbestidurara begira aldatu beharreko kontuez jarduteko. "Errealitate korapilatsua bizitzen ari gara", onartu du, Sanchezek eta PSOEk horretan zerikusia dutela iritzita. "Inbestidurari buruz soilik hitz egin nahi dute, eta oso tristea litzateke Sanchezen alde egitea elkarrizketarik egon gabe. Argi dago inbestidura Moncloara iristeko nahi duela, baina zertarako nahi du legegintzaldia?", galdetu dio bere buruari.
Ortuzarrek esanetan, sozialistek pentsatzen dute denbora alde dutela, "amildegi ertzean", babesa jasoko dutelakoan baitaude, alegia, "eskuin muturreko gobernu baten aurrean, Sanchezen alde egingo dugula uste baitute, eta ordura arte ez dute legealdiari buruz berba egiten hasteko asmorik", adierazi du. "Gauzak atzekoz aurrera egiten badituzte, normalena litzateke gure babesa bermatuta ez izatea", erantsi du.
Euskal Autonomia Erkidegoko hauteskundeei dagokienez, eta balizko hautagaiak mintzagai, Urkullu indartsu ikusten duela esatera mugatu da. "Urriaren amaieran hasi beharko genuke bide-orria lantzen", nabarmendu du.
Nolanahi dela, aurreratu du bere kasuan gehiegizkoa litzatekeela laugarren agintaldi bat, EAJko presidente gisa. "Garrantzitsua da ideia berriak dituen jendea egotea, ni baino hobeto egokituko dena. Dena den, jendeak erabakiko du, ni oso diziplinatua naiz, eta alderdiak esan didana egin izan dut beti", bukatu du.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.