"No me llame Ternera" dokumentalak "gatazkaren begirada oso partziala" egiten du, Rodriguezen arabera
No me llame Ternera dokumentala ikusi duen Arkaitz Rodriguez Sortuko idazkari nagusiaren arabera, Josu Urrutikoetxea ETAren ordezkari ohiari egindako elkarrizketak "gatazkaren begirada oso partziala" egiten du, besteak beste, ez duelako Estatuaren indarkeria aipatzen. Zentzu horretan, uste du Jordi Evole elkarrizketatzaileak aukera galdu duela gatazka izan denaren inguruan zerbait "anitzagoa eta objektiboagoa" egiteko.
Radio Euskadin eskainitako elkarrizketan ukatu egin du dokumentalak ETA zuritzen duela, "alderantziz". Horren esanetan, errelato "bakarra" elikatzen du, "zintzoen eta gaiztoen errelatoa, irabazleen eta galtzaileen errelatoa".
Josu Urrutikoetxea ETAko kide ohiaren inguruko dokumentala aurtengo Donostiako Zinemaldian estreinatuko da. Azken egunetan, Zinemaldiak hainbat ikustaldi pribatu eskaini ditu eta Rodriguez izan da ikusi ahal izan duenetako bat.
Bestalde, katalana euskararen eta galizieraren aurretik lehenestea Europan hirurak hizkuntza ofizialak izatea lortzeko "estrategia" bat izatea espero du Arkaitz Rodriguezek. Horren ustez, atzokoa "bide luze baten hasiera" izango da Europar Batasunean katalanaren, euskararen eta galegoaren ofizialtasuna lortzeko.
Amaitzeko, atzotik Espainiako Diputatuen Kongresuan Estatuko hizkuntza koofizialetan hitz egiteko aukera izango dute diputatuek, eta PPko eta Voxeko diputatuek egindako "antzezpena" gaitzetsi du Rodriguezek. Gaineratu duenez, atzoko osoko bilkuran agerian gelditu zen Espainiako Estatua estatu eleaniztuna dela, "funtsean, estatu plurinazionala delako".
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.