PSOEk espero du Sanchez urriaren bigarren hamabostalditik aurrera inbestitzea, CCren babesa ziurtzat emanda
Pedro Sanchez Espainiako Gobernuko jarduneko presidente eta hautagai sozialistaren inbestidura urriaren 16tik egingo delakoan dago PSOE, data guztiz itxi gabe badute ere. Izan ere, Junts eta ERC alderdiekin akordioak lortu behar dituzte aurrena sozialistek.
Hain justu, Oriol Junqueras ERCko buruzagiak bilerara deitu ditu gaurko taldeko diputatu eta senatariak, negoziazioak aztertzeko.
Katalanen babesa ez ezik, Coalicion Canariaren botoa ere nahiko luke PSOEk, eta hori ere lortuko duela ziurtzat jo du, CCk Feijooren inbestiduraren alde bozkatu zuen arren. Sozialisten arabera, "Kanarietako agenda" onartuko dute Ana Omarasen babesaren truke (horixe eskatu du uharteko taldeak).
Coalicion Canaria alderditik diote euren eskakizunak harago doazela, eta PSOEk amnistiari buruz erabakitzen duena ere kontuan hartuko dutela ohartarazi dute. Aitortu dutenez, Kongresuko Mahaia osatzeko negoziazioez geroztik (abuztuan) ez dute berriro sozialistekin hitz egin.
Alberto Nuñez Feijoo hautagai popularrak inbestitua izateko lehen bozketan porrot egin zuen atzokoan. Bihar da bigarrena, baina orduan ere, liteekena da babes nahikorik ez lortzea. Sanchezen txanda izango da, bada. PSOEk orduan ugarituko ditu alderdiekin hartu-emanak. "Bihartik aurrera garai berri bat abiatuko da", erantsi dute.
Francina Armengol Kongresuko presidenteak bihar bertan jakinaraziko dio Espainiako erregeari Feijooren porrota, eta monarkak beste bilera sorta bat deituko beharko du. Litekeena da urriaren 2an eta 3an izatea batzar horiek, baina hori ere zehazteko dago.
Zure interesekoa izan daiteke
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenetan aurrera egiteko. Maria Ubarretxenak espero du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, Eusko Legebiltzarrean eta euskal hiriburuetan egingo diren ekitaldi instituzionalekin
Memoriaren Eguna ospatuko da gaur, terrorismoaren eta indarkeriaren biktimak oroitzeko hainbat ekitaldi instituzionalekin. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak eguerdian Gasteizen antolatu duten ekitaldi nagusia izango da.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".