Ortuzar: "Euskal herritarrak eta kataluniarrak izango gara Sanchez Moncloara eramango dugunak"
Andoni Ortuzar EAJren Euzkadi Buru Batzarreko presidenteak Pedro Sanchez Espainiako Gobernuko jarduneko presidenteari eskatu dio kontuan izan dezala "euskal herritarrak eta kataluniarrak" izango direla bera "Moncloara eramango dutenak". Horregatik, espero du jaramon egingo diela bertako alderdien eskakizunei, tartean Euskadiren nazio aitortzari.
Ortuzarrek Radio Euskadin adierazi duenez, ez dute hauteskundeak errepikatzea nahi, eta Carles Puigdemont Junsten buruzagiarekin bildu ostean, uste du hark ere ez duela halakorik nahi.
Baina buruzagi jeltzaleak aitortu du "negoziazio zaila" izango dela "materialki eta sinbolikoki"; alde batetik, Kataluniako erreferendumak eragin zuen "haustura nola gainditzen den" ikusi behar delako, eta bestetik, nola jorratzen diren EAJk eskatzen dituen "nazio eta aldebitasun" ikuspegiak.
Ortuzarrek gogorarazi du aurreko legegintzaldian Sanchezekin izan duten harremana ez dela "guztiz ona" izan, eta oraingoan "benetan beteko diren konpromisoak" lortzen saiatuko direla, "asmo oneko adierazpenetatik harago". Horren harira, azpimarratu du "Euskadiren nazio aitortza" bilatuko dutela, "horren inguruan hitz egiteko unea" dela iritzita.
EAJren presidenteak bat egiten du Iñigo Urkullu lehendakariak lan-gatazken ustezko erabilera politikoaz duen iritziarekin: "Sua hauspotzen ari dira, gatazka batzuk modu artifizialean luzatzen. Hauteskundeak igaro eta 15 egunera iritsi dira akordioak. Gatazka sozialak ugaritu egin dira maiatzeko eta uztaileko hauteskundeen atarian".
Azkenik, EAJk aurkeztuko duen lehendakarigaia nor izango den galdetuta, erantzun du "dagokionean" iragarriko dutela, ia bi hilabeteko prozesu bat behar baitute aukeratzeko, eta ez dute orain egin nahi, Espainiako Estatuan gertatzen denak "eragina izan baitezake euskal legegintzaldiaren amaieran".
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ezta inorekin ere ez"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".