Eusko Jaurlaritzak euskara ikasteko doakotasun-programak areagotuko ditu
Eusko Jaurlaritzako Kultura eta Hizkuntza Politika Sailak 369,4 milioi euroko aurrekontua izango du datorren urtean. Horren bidez, besteak beste, euskarazko ikus-entzunezkoen ekoizpena bultzatuko da kulturaren eremuan, eta euskara ikasi eta hobetzeko doakotasun-programak areagotuko dira.
Gaur, bi ordu baino gehiagoko agerraldian, Kultura eta Hizkuntza Politikako sailburu Bingen Zupiriak Eusko Legebiltzarreko Ekonomia eta Ogasun Batzordearen aurrean Sailaren 2024rako aurrekontu-proiektua aurkeztu du, 369,4 milioi eurokoa.
Hizkuntza Politikarako Sailburuordetzaren aurrekontua 3,6 milioi euro handituko da datorren urtean, eta 77.194.169 eurokoa izango da guztira. Eusko Legebiltzarrean egindako agerraldian, Zupiriak esan du 2024a "urte garrantzitsua" izango dela "hizkuntza politikaren esparruan".
Datozen hilabeteetan Euskara Sustatzeko Ekintza Plan (AROA) berria onartuko dutela iragarri du Zupiriak. Gainera, gogorarazi du aurreikusita dagoela Euskadiko sektore publikoan euskara normalizatzeko dekretu berria onartzea, datozen hamar urteetarako hizkuntza politikaren norabidea zehazteko asmoa duena.
Hizkuntza Politikarako aurrekontuaren erdia baino gehiago, 51.676.000 euro guztira, HABErentzat izango da. Zupiriak azaldu duenez, Jaurlaritzak euskara ikasteko doakotasuna indartzen jarraituko du, "legealdiko konpromiso handienetako bati erantzuteko".
2024-2025 ikasturtean dirulaguntzen deialdi berri bat jarriko da abian, A1 mailako komunikazio-gaitasuna lortzeko. Era berean, ikastaro horien matrikula ia doakoa izan dadin, 1.600.000 euro erabiltzea aurreikusi dute.
Sailak indartu egin ditu ikus-entzunezkoen alorreko garapen- eta ekoizpen-deialdiak: 5,7 milioi euro bideratuko ditu guztira horretarako. EITBren aurrekontuan, aldi berean, euskarazko ikus-entzunezko ekoizpenen aldeko apustua bultzatuko da, eta, 2024an, bi milioi euro gehigarri finkatuko dira euskarazko telesailak ekoizteko. Halaber, 5,1 milioi euro bideratuko dira 'Primeran' plataforma garatzen jarraitzeko.
Gainera, Durangoko Azokak jasotzen duen ekarpena 175.000 euro handituko da. Literatura arloan, euskal egileei zuzendutako beka berri bat sortuko da. Beka horrek Xabier Lete izena izango du, eta urterokoa izango da, BBVA Fundazioarekin elkarlanean. Guztira, 70.000 euro izango dira, eta literaturagile bati bere sorkuntza lanean bete-betean aritzeko aukera emateko erabiliko da.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.