Konstituzionalak Otegiren helegitea onartu eta Bateragune auziaren epaiketa errepikatzea baztertu du
Auzitegi Konstituzionalak Arnaldo Otegi EH Bilduko koordinatzaile nagusia babestu eta Bateragune auziko epaiketa errepikatzea baztertu du, Otegiren eta beste lau zigorturen aurka, EFEk aipatutako iturri juridikoen arabera.
Konstituzionalak aldeko 7 boto (gehiengo aurrerakoia) eta kontrako 4rekin (kontserbadoreak) hartu du erabakia. Konstituzionalak, beraz, Otegiren helegitea onartu du, Auzitegi Gorenaren epaiaren aurka. Gorenak epaiketa errepikatzea erabaki zuen, Europako Giza Eskubideen Auzitegiak 6 eta 6 urte eta erdi arteko kartzela zigorrak baliogabetu ostean.
Auzitegi Konstituzionalaren osoko bilkurak babestu egin du Juan Carlos Campo magistratu aurrerakoiak idatzitako ponentzia. Horren arabera, Otegi berriz ere aulkian jartzeak bere eskubideak urratuko lituzke. Hiru boto partikular izan dira, gehiengoarekin bat ez datozelako, eta beste lauk adierazi dute gehiengoaren erabakiarekin bat datozela, baina beste argudio batzuk erabilita. Fiskaltza ere alde agertu zen.
Europa Pressek kontsultatutako iturrien arabera, zigortuek Estatuari kalte ordaina eskatu ahal diote.
Estrasburgoko auzitegiak ebatzi zuen Auzitegi Nazionalaren epaiketak ez zituela berme guztiak bete, Angela Murillo magistratua epaimahaiko kide zelako, Otegiren kontrako beste auzi batean inpartzialtasun faltagatik baztertua izan zen arren.
Auzitegi Nazionalak 6 eta 6 urte eta erdi arteko zigorrak ezarri zizkien bost akusatuei, erakunde terroristako kide izatea egotzita, eta Auzitegi Gorenak epaiketa errepikatzea erabaki zuen Estrasburgoren erabakiaren ostean.
Erreakzioak
Sare sozialetan zabaldutako mezuan, lehen balorazioa egin du Arnaldo Otegi EH Bilduko koordinatzaileak: "Bakearen etsaiek galdu dute eta Euskal Herriak irabazi du".
"Horrela sinatu nuen 10 urteko zigorra Espainiako Auzitegi Nazionalean: 'Bake bidetik, independentzia! Sozialismoa! Irabaziko dugu!'. Orain oso harro eta oso lasai esan dezaket: EGIN IRRI, IRABAZIKO DUGU", gaineratu du.
Bateragune auzian zigortutako bost pertsonek Auzitegi Konstituzionalaren erabakia baloratzeko prentsaurrekoa eskainiko dute ostegun honetan, 11:00etan, EH Bilduk Donostian duen egoitzan.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.