Zazpi udalerri batuta, 84 kide ditu dagoeneko Udalbiltzak
Dima, Berrobi, Larraun, Izurtza, Markina-Xemein, Mendaro eta Plentziako udalak Udalbiltzako kide dira gaurdanik, eta zazpi kide berriak zenbatuta, 84 herrik osaten dute Udalbiltza.
Euskal Herriko udalen partzuergoak urteko lehenbiziko Kontseilu Nagusia egin du larunbat honetan Bergaran, eta han onartu dute kide berrien sarrera, datozen hilabeteetan udal gehiagok Udabiltzarekin bat egiteko asmoa dutela iragartzearekin batera.
Batzar horrek ekitaldi itxura hartu du gaurkoan, gainera. Izan ere, 25 urte beteko ditu aurten Udalbiltzak, eta ekitaldi hori probestu nahi izan dute ibilbide honetan Udalbiltzak nazio eraikuntzari egindako ekarpena aitortzeko, bai eta etorkizunera begira partzuergoak dituen erronkak nabarmentzeko ere, besteak beste, udalek martxan jartzen dituzten proiektu berritzaileak laguntzea eta tokian-tokian arrakasta duten proiektu estrategikoak Euskal Herri mailakoak bihurtzea.
Haritz Alberdi Arrillaga partzuergoko lehendakariak azaldu duenez, egun abian dauden proiektuak sustatzeaz gain, ekimen berriak abian jartzea da Udalbiltzaren asmoa: "Guztion artean, gure herriaren burujabetza lortzeko bidean indarra egiten jarraitu behar dugula uste dugu, nazioa egiten jarraitu behar dugula. Eta argi dugu hori egunero egiten den lana dela, udalerriz udalerri lantzen diren proiektu zehatzen bidez. Beraz, proiektu eta esperientzia berritzaileak biltzea izango da, Alberdiren hitzetan, partzuergoaren eginbeharra, "indarrez bultzatzeko, sustatzeko eta egon daitezkeen oztopo juridiko eta teknikoak gainditzen laguntzeko".
Urteurren biribilarekin bat eginez, logoari ere aldaketak egin dizkiote, eta logo berritua gaurko batzarrean aurkeztu dute. Clara Rouget Udalbiltzako zuzendariaren hitzetan, "Udalbiltzaren egitura eta funtzionamendua garai berrietara moldatzearekin batera, beharrezko ikusi da irudi korporatiboa ere berritzea, izanaren aldaketak irudian isla izan dezan". Azaldu duenez, orain arteko armarriaren logoa ahaztu gabe, Udalbiltzaren 'U' hizkiari eman diote armarri itxura, armarri ireki batena: "Udalerriekin elkarlanean aritzeko eskuak zabalik dituen erakundea dela adierazten du, gertukoa, eta hurbila, eta, nola ez, urteetan pilatuz doan ezagutza hori guztia jasotzen segitzeko prest dagoen etxea".
Halaber, 25 urteko ibilbidean bide horretan lagun eta akuilu izan dituzten pertsona guztiei eskerrak eman nahi izan dizkiete ekitaldian gaur egun "ohorez eta arduraz" Udalbiltza gidatzen dutenek. Alberdiren esanetan, "ezin ahaztu egitasmoari bizirik eusteko lanean aritu diren pertsona guztiak; gaur hemen gaude beste askok hainbeste urtetan egindako lanari eta ahaleginari esker. Guztiei, eskerrik asko!".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.