Legealdian emandako "konfiantza eta babes leiala" eskertu die lehendakariak Ortuzarri eta Anduezari
Iñigo Urkullu lehendakariak Andoni Ortuzar EAJko burua eta Eneko Andueza PSE-EEko idazkari nagusia hartu ditu gaur Ajuria Enean, legegintzaldiaren balantzea egiteko, bi alderdi horiek osatzen duten gobernuaren lau urtekoa amaitzear den honetan. Lehendakariak esker hitzak izan ditu bientzat, eta jasotako "konfiantza eta babes leiala" goraipatu ditu.
Aurrena, 09:00etan, sozialisten buruarekin egin du batzarra, eta ordu erdi geroago, 10:00etan, hartu du Ortuzar. 10:30ean bukatu ditu hitzorduak.
Honakoak izan dituzte aztergai: transferitzeke dauden Estatutuko eskumenak, gobernu programaren eta herri helburuen betetze maila, EAJ-PSE koalizioaren azterketa, eta legegintzaldiaren balantze orokorra.
Bilera amaituta, lehendakariak Facebookeko bere profilean eskegitako mezu batean adierazi duenez, bi buruzagiei urte hauetan jasotako "konfiantza eta babes leiala" eskertu die, gobernu koalizioa "emankorra" izan dela azpimarratuta.
Andoni Ortuzarrek eta Eneko Anduezak ohar bidez jakinarazi dute bileraren euren balorazioa. Buruzagi jeltzalearentzat, azpimarratzekoak dira "legegintza-produkzio handia" eta helburuen "betetze maila handia", eta hori bi alderdiek oposizioarekin akordioak lortzeko "erakutsi duten gaitasuna"ri egotzi dio. Izan ere, EAJk eta PSE-EE gehiengo osoa dute Legebiltzarrean, eta berez, oposizioaren babesik gabe onar ditzakete legeak.
Era berean, Urkulluk azken urteotan egindako "lan ona eta dedikazioa" goratu du, are gehiago, kontuan hartuta "une latz eta inguruabar oker ugari" izan dituela legealdiak, besteak beste, covid-19a eta Ukraina eta Gazako gerrak.
Azkenik, zehaztu du bileran eskualdatzeko geratzen diren hiru transferentzien auzia ahotan hartu dutela. Hiruren ustez, "prozesuak bide zuzenetik eraman dira". Dena dela, konpromisoa hartu dute hirurek "bakoitzak bere ardura-esparrutik, esfortzurik onena egingo dutela albait arinen" eskualdatzeko.
Eneko Andueza sozialisten buruak azaldu duenez, "egindako lanagatik pozarren" dagoela helarazi dio PSE-EEko idazkari nagusiak lehendakariari, bereziki "egoera bereziki zailetan, pandemian". "Euskadiko politikak euskal herritarren beharrei erantzutea izan du lege, hori baita euskal sozialiston lehentasuna", erantsi du.
"Mala pertsonalean, Iñigo Urkulluk erakutsitako dedikazio eta zorroztasuna hartu ditut aintzat, eta etorkizunerako onena opatu diot. Ez dugu beti bat egin, baina gizartearentzat onak ziren gobernu akordioak betetzeko lanean batera jardun dugu", esan du Urkulluri buruz.
Lehendakariak hauteskundeak noizko deituko dituen puri-purian dagoenean izango da bilera. Alderdiek uste dute apirilean izango direla, eta apirilaren 21a agertzen da kiniela gehienetan. Dena den, ez da espero Urkulluk hauteskundeen data gaur iragartzea.
Zure interesekoa izan daiteke
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.