Abalosen aholkulari ohi Koldo Garcia atxilotu dute pandemia garaian maskaren erosketan iruzur egin zuelakoan
Guardia Zibilak Koldo Garcia Izaguirre —Jose Luis Abalosen aholkulari izan zen Garraio ministro izan zenean eta PSNren zinegotzi Uharteko Udalean— atxilotu du covid-19aren pandemian maskaren erosketan iruzur egin zuelakoan.
Europa Press albiste agentziari ikerketako iturriek baieztatu diotenez, pandemiako garairik txarrenean, musukoen esleipenean eroskeria delitua egin zuelakoan hartu dute atxilo.
Iturri horien arabera, ustelkeriaren aurkako fiskaltzak burutu du ikerketa, eta isilpean gorde dituzte Koldo Garciaren jardunaren gaineko xehetasunak. Garai hartan, Renferen merkantzia trenetako kontseilari izendatu zuen Abalosek.
2020an, PPk egindako galderei erantzunez, bere aholkulari Koldo Garciaren inguruko azalpenak eman behar izan zituen Abalosek Kongresuan, Venezuelan hango presidenteorde Delcy Rodriguezekin izandako bilera baten harira.
Operazioari buruz galdetuta, Abalosek "txundituta" eta "atsekabetuta" dagoela adierazi du, eta Garraio Ministerioan egindako kudeaketa defendatu du.
Auzitegi Nazionalaren eta Guardia Zibilaren ikerketaren arabera, Koldo Garcia eta haren beste bazkide bat dira covid-19aren pandemian osasun-materiala erosteko administrazio publikoek sinatutako 53 milioi euroko balioa duten kontratuetatik desbideratutako diruaren ustezko sarearen buru.
Ikerketako iturrien arabera, Koldo Garcia eta bere bazkide bat, Victor de Aldama, izango lirateke sare horretako buruzagiak. Azken hori Zamora futbol taldeko presidentea da, eta Zaragozako Soluciones de Gestion y Apoyo a Empresas enpresarekin lotuta dago.
Ismael Moreno Auzitegi Nazionaleko epaileak 20 atxilotuetako sei-zazpi galdekatuko ditu, tartean Koldo Garcia eta Victor de Aldama.
Aipatu iturrien arabera, ustezko sarea bitartekari zen Garraio eta Barne Ministerioetara, Balear Uharteetara eta Kanariar Uharteetara eramaten zuten materialaren kontratuetan.
Ustelkeriaren aurkako Fiskaltzaren ikerketa bat da, eta Auzitegi Nazionaleko 2 zenbakiko Epaitegi Zentralak zuzentzen du. Asteartean 20 pertsona atxilotzeko agindua eman zuen, baita 26 miaketa ere.
Cuca Gamarra PPko idazkari nagusiak Sanchezi eskatu dio azaltzeko ea Garraio ministro izandakoaren kargu-uzteak "lotura" duen "eskuineko eskua" zenaren ustezko negozio ilunekin.
Sanchezez eta Abalosez gain, azalpenak eskatu dizkie Salvador Illa Osasun ministro ohiari eta Monica Garcia egungo arduradunari, azalpenekin batera erantzukizunak hartu behar direla ziurtatuz.
Espainiako Gobernuko presidenteak ukatu egin du ministro ohiaren aholkulariaren atxiloketak zerikusia izatea kargugabetzearekin, horrek ustezko irregulartasunak ezagutzen zituela esan nahiko lukeelako. Bere ustez, oposizioaren "gezurrak" dira, eta Isabel Diaz Ayuso Madrilgo Erkidegoko presidentearen anaiaren kasuarekin "hain jeloskor" ez izatea aurpegiratu die.
Patxi Lopez PSOEk Kongresuan duen bozeramaileak Poliziari eta Justiziari lan egiten uztearen alde egin du. "Poliziak iker dezala zer ikertu behar den, justiziak ekin eta erabaki dezala errudunek ordaindu behar duten", adierazi du kazetarien aurrean, Kongresuko korridoreetan, gaiari buruz galdetu diotenean, eta azpimarratu du hori egin behar dela "beti".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.