Amnistia Legearen testuan aldaketak onartu ditu PSOEk, Juntsi "berme gehiago" emateko
Une batetik bestera iragarriko omen dute akordioa. Xehetasunik eman gabe, Pedro Sanchez Espainiako Gobernuko presidenteak, Brasilen egiten ari den bisita ofizialean, aurreratu du zerbait: Amnistia Legearen inguruko akordioa ixtear daude PSOE eta Junts, eta horren iragarpena berehalakoa izan daiteke. Erantsi du zenbait "aldaketa" onartu dituztela sozialistek testuan, Juntsi "berme gehiago" emateko. Bihar da biltzekoa Kongresuko Justizia Batzordea, araua berriro aztertzeko.
Testu berriak, "orain arte bezala", Konstituzioa goitik behera errespetatuko duela ere azaldu du buruzagi espainiarrak. Juntsen "zalantzen aurrean", juridikoki "seguruagoa" den araua ondu dutela gehitu du.
Kataluniako prozesu independentistarekin lotuta auzipetutako herritar guztiak kontuan hartzea izan da Juntsen baldintzetako bat, eta testua moldatuta, hori bermatu nahi dute negoziatzaileek.
Sanchezek zehaztu du ez dituela "inoiz partekatu" Carles Puigdemont Kataluniako presidente ohiak zuzentzen zuen alderdiaren zalantzak, baina prest agertu da horiek argitzeko. Bere hitzetan, "inoren zalantzak uxatzeko" testuan jasota dauden "bermeak areagotu" behar badira, "areagotuko ditugu".
Kazetariekin izandako elkarrizketa informal batean egin ditu adierazpenok PSOEren buruak, eta behin eta berriz galdetu dioten arren, ez du ezagutzera eman aldaketen edukia.
Erreakzioak
Sanchezek berria zabaldu orduko, erreakzioak bata bestearen atzetik iritsi dira. Laura Villagra Generalitateko presidenteordeak txalotu egin du akordioa, eta "albiste ona" dela esan du. Legearen hasierako bertsioak ere prozesu independentistan auzipetuentzako "bermeak" bazituela azpimarratu arren, edozein hobekuntza "ongietorria" dela gehitu du. Arau hau "indarrean sartzeko zain herritar asko" daudela ere azaldu du, eta "lehenbailehen aurrera ateratzea" eskatu.
Ildo beretik mintzatu da Yolanda Diaz Espainiako Gobernuko presidenteordea eta Sumar Mugimenduko burua. RNE hedabideari emandako elkarrizketa batean, "lasaitasunerako" mezua igorri du, eta berretsi du legea "erabat konstituzionala" dela. Horren gain, zehaztu du arauak herritar guztiak berdin hartuko dituela. Katalunian 2017an gertatutakoa, bere iritzian, ez dela terrorismoa erantsi du.
Aldiz, Miguel Tellado Alderdi Popularraren eleduna Kongresuan oso gogor eta kritiko agertu da, eta aberrazio politiko, juridiko eta moraltzat jo du presidente espainiarrak iragarritakoa. Independentisten eskaeren aurrean "makurtzea" leporatu die sozialistei.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.