Puigdemontek maiatzaren 12ko hauteskundeetan hautagaia izango dela iragarri du
Carles Puigdemont Generalitateko presidente ohi eta Junts alderdiko eurodiputatuak Elnan (Okzitania) iragarri du maiatzaren 12ko hauteskundeetarako hautagaia izango dela. Elnako udaletxetik hitzaldi bat eman du, Juntseko alderdikideekin batera. Generalitateko presidente ohiak zerrenda bateratua osatzea eskaini dio ERCri.
Mila bat pertsonak egin diote harrera Puigdemonti, 'president' oihukatuz eta txaloka udaletxera iritsi denean. Laura Borras Juntseko presidentea, Jordi Turull idazkari nagusia, Kataluniako Parlamentuko ordezkariak eta Kongresuko diputatuak, lurraldeetako agintariak eta Toni Comin eta Lluis Puig kontseilari ohiak izan dira ekitaldian.
"Ez naiz konformista, ez zait etsitzea gustatzen, ez dut bilatzen zer den erosoena eta maila pertsonalean arrisku gutxien duena. Eta nik ezingo nioke neure buruari azaldu sei urte eta erdi erbestean presidentetza defendatzen eman ondoren, 155. artikuluarekin bidegabeki eta legez kanpo kendutako presidentetza hori itzultzea posible egiteko aukera bat ireki den honetan, erantzukizun horri uko egitea erosotasun pertsonaleko arrazoiengatik", adierazi du Puigdemontek.
Puigdemontek azaldu duenez, Kataluniako hauteskundeetara aurkeztuko da, "presidente gisa itzultzea" lortzeko, eta, horregatik, Europako Parlamenturako zerrendetan parte hartzeari uko egitea erabaki du. "Sei urte geroago, estradizio saiakerek eta indultuekin limurtzeko saiakerek porrot egin dute", adierazi du. "Etsipenetik eta porrotetik urrundu behar gara, eta partekatutako etorkizuna eraiki", gaineratu du.
Puigdemontek batasun independentista berreskuratzeko deia egin du, baina onartu du hauteskunde-egutegia estua dela, eta zerrenda bateratu bat ixteko "erresistentziak gainditzeko" aukera gutxi ikusten ditu.
"Ziur nago aurrera egin dugunean baturik joan garelako izan dela. Nire ustez, aurrean ditugun erronkei arrakastarako bermeekin aurre egin diezaiekegu, baldin eta batasunaren indarra berreskuratzen badugu", esan du.
Era berean, azaldu duenez, sentsibilitate desberdineko pertsonak batasuna lortzeko "modu diskretu eta zintzoan" aspaldi lanean ari dira, eta ahalegin horretan laguntzeko prest daudela adierazi die. Puigdemontek azpimarratu du zuzendu nahi duen hautagaitzak Junts baino haratago joan beharko duela, eta beste sektore batzuetako profilak eta babesak beharko dituela.
"Junts % 52aren Gobernutik atera eta gero, edo herrialde honetako aurrekontu sozialenen aurka bozkatu ondoren, erasoak uztartuz zerrenda bakarra proposatzea iraganeko akatsak errepikatzea da", erantzun du ERCk.
ERCren ustez, "zubiak berreraikitzeko tokia dago", eta hori egin ahal izatearekin "pozik" egongo dira, baina Pere Aragones Kataluniako presidenteak egindako "finantzaketa bereziaren" proposamenari "babesa" emateko eskatu diote JxCati: "Benetan batasuna berregin nahi badute, has daitezela proposamen honekin bat egiten".
Elna
Elnak independentismoarentzako sinbolismo berezia du, U-1arekin duen loturagatik; izan ere, bertan milioika boto-paper inprimatu ziren eta hautestontziak inguruko herri bateko biltegi batean ezkutatu ziren.
Gainera, Kataluniako presidente ohia buru duen Consell de la Rep (CdRep) erakundearen ekitaldiak bertan izan dira, baita Omnium Culturalek erakundearen 60 urteak ospatzeko antolatu zuena ere.
Ikuspuntu historiko batetik, Gerra Zibilaren amaieran, erbesteratutako ehunka emakume errepublikar erditu ziren Elnako amaetxean, Elizabeth Eidenbenz erizain suitzarrak bultzatutako zentro batean.
Amnistia Legea oraindik indarrean ez dagoen arren, presidente ohiak 2021eko hauteskundeetan egin zuen bezala parte har dezake, orduan Laura Borras (bigarrena) alderdiko presidentearekin batera aurkeztu baitzen.
Horrela, Puigdemontek hautagai gisa errepikatu eta Amnistiaren Legea onartzeak presidente ohia Kataluniara itzultzeko aukera ireki dezake, behin indarrean sartuta.
Puigdemonten balizko itzuleraren aukera Juntsek hauteskundeak irabazten saiatzeko duen bakarra dela leporatzen hasi dira dagoeneko alderdiak, horrek hauteskunde-estrategiak baldintzatzen dituela jakinda.
Generalitateko presidente ohiak, ordea, nekez egin ahal izango du kanpaina aurrez aurre, Amnistiaren Legea oraindik indarrean sartu gabe dagoelako. Kataluniako presidente ohia aplikazioa baino lehen itzuliko balitz, baliteke haren atxiloketak hauteskunde-kanpaina astintzea eta hauteskundeetako emaitza aldatzea.
Zure interesekoa izan daiteke
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bildutik diote aste honetan ikusitakoa ez dela inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.