'Memoria eta Errekonozimendu Koadernoak' eman dizkiete epai bidez ebatzi ez diren ETAren biktimen familiei
Eusko Jaurlaritzak 'Memoria eta Errekonozimendu Koadernoak' eman dizkie epai bidez oraindik argitu gabe dauden ETAren 10 biktimaren senideei. Guztira, 1978 eta 1982 bitartean Euskal Autonomia Erkidegoan (EAE) eraildako pertsonen 34 dokumentu argitaratu dira, eta horietako 33 emango dira.
Gasteizko Goiuri jauregian egin dute horiek banatzeko ekitaldia, gaur, eta biktima horien senide batzuek parte hartu dute bertan.
"Hil egin zituzten. Haien bizitzak eta izenak ezabatu nahi izan zituzten. Beren ametsak apurtu zituzten. Baina ez, inoiz ez dute lortuko zuen memoria ezabatzea", adierazi du Nerea Melgosa Eusko Jaurlaritzako Berdintasun, Justizia eta Gizarte Politiketako jarduneko sailburuak.
"Hori da koaderno hauen zentzua; bakoitzaren bizitzaren eta kasuaren espediente judizialaren trazuak eta zertzeladak jasotzen ditu", azaldu du Melgosak. "Guztioi esan, baita bizia kendu zietenei ere: Ez, ez zenuten lortu. Zuon bihotzean eta herri honen oroimen kolektiboan oso presente jarraitzen duzue", gaineratu du.
Senideek omenaldian parte hartu duten pertsona guztien maitasuna jaso dute. Senide horietako bik ere hartu dute hitza ekitaldian: Conchi Galindez Bonillak, ETAk 1981eko uztailaren 25ean Amurrion hildako Felix Galindez Llanoren ilobak; eta Jose Miguel Cedillo Garciak, ETAk 1982ko irailaren 14an Errenterian hildako Antonio Cedillo Toscanoren semeak.
Conchik nabarmendu duenez, ETAren atentatuez geroztik, biktimek "motxila oso handi bat" daramate, eta bakoitzak "ahal duen moduan kudeatzen du". Etorkizunari begira, "gaur egungo gazte askok ez dakite zer gertatu zen", deitoratu du, eta, horregatik, "gauza horiek inoiz ez errepikatzeko" eskatu die gazteei, terrorismoa gogoan hartuta.
Bestalde, Jose Miguel gertatutakoaren "testigantza une oro" ematearen alde agertu da, antzeko zerbait berriro gerta ez dadin eta biktimak beti oroitzeko.
'Memoria eta Errekonozimendu Koadernoek' txosten batean jasotzen dute nortzuk izan ziren, nola bizi izan ziren eta nola hil ziren ETAren terrorismoaren biktima horiek, horien kasuak konpondu gabe baitaude, baita senideek AVTren laguntzarekin emandako hainbat material grafiko ere.
Era berean, Iñigo Urkullu lehendakariak sinatutako dokumentu bat erantsi da. "Eusko Jaurlaritzaren aitorpen instituzionala" adierazten zaio bertan biktimaren familiari, "egia eta justizia izateko eskubidearen aldeko ekarpen gisa", eta hilketa bakoitzaren bidegabekeria azpimarratzen da.
Dokumentuan, lehendakariak "bere familia eta pertsona maitatuenekin partekatzen du bizitzeko eskubidea bidegabeki zapuztuta ikusi zuen pertsona baten oroitzapena, aitorpena eta omenaldia". Helburua argi azaltzen du testuaren amaieran: "memoria mantentzeak antzeko zerbait berriro gerta ez dadin laguntzen du".
Zure interesekoa izan daiteke
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.
PPk eta UPNk, EH Bilduk Iruñean egin duen ekitaldiaren harira: "Nafarroa ez da inoiz euskalduna izango"
Sayasen esanetan, Nafarroa "forala eta espainiarra da historikoki, ordenamendu juridikoak hori diolako eta, batez ere, nafar gehienen nahia hori delako". Bestalde, Ibarrolak nabarmendu du UPNk bermatzen duela "Nafarroa euskal errepublikaren parte ez izatea".
Ertzaintzaren aurkako pintaketa gehiago egin dituzte Amurrion
Amurrioko futbol zelaian azaldu dira oraingoan pintaketak, eta agente bat seinalatu dute. Segurtasun Sailak gaitzetsi egin du gertatutakoa, eta salatu du horrelakoek zuzenean erasotzen dietela bizikidetzaren eta demokraziaren balioei.
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".