Rullek hauteskunde berrien erlojua martxan jarri du, ekainaren 26rako osoko bilkura deituta
Josep Rull Kataluniako Parlamentuko presidenteak gaur iragarri duenez, Generalitateko presidente izateko hautagai bakar batek ere ez du inbestidurarako babes nahikorik; hori dela eta, ekainaren 26rako osoko bilkura deitzea erabaki du, eta bertan bi hilabeteko atzerako kontaketa martxan jartzeko ebazpena emango du, inbestidurarik ez badago, hauteskundeak errepikatzeko.
Hala azaldu du gaur Kataluniako Ganberan egindako adierazpen instituzionalean, indar politiko guztietako ordezkariekin bildu eta bi hautagai nagusiek, Salvador Illak (PSC) eta Carles Puigdemontek (Junts), balizko babesak negoziatzeko denbora gehiago nahi dutela egiaztatu ostean.
Egoera horren aurrean, Rullek ebazpena emango du ekainaren 26an, eta horrek bi hilabeteko atzera-kontua jarriko du martxan, hautagaiek abuztuaren 26a baino lehen behar dituzten babesak biltzen saia daitezen, eta inork inbestidura lortzen ez badu, automatikoki deituko dira hauteskundeak.
Salvador Illa PSCko lehen idazkariak Generalitateko presidente izateko hautagaitza aurkezteko borondatea azaldu dio Rulli, baina ERCrekin eta Comunsekin negoziatzeko "denbora gehiago" eskatu dio.
"Ganberan nire alderdi politikoak, ERCk eta Comunsek osatzen duten gehiengo aurrerakoiaren babesa izateko lanean ari naizela azaldu diot", esan du Rullekin inbestidurarako bilera-sortan batzartu ostean emandako prentsaurrekoan. Halaber, gehiengo aurrerakoia legealdia bideragarri egin dezakeen bakarra dela adierazi du.
Carles Puigdemont Generalitateko presidente ohi eta diputatu hautetsiak hurrengo presidentea izateko inbestidurara aurkeztu nahi duela ere adierazi dio JxCatek Kataluniako Parlamentuko presidenteari, "baina ez orain".
"Inbestidurara aurkezteko asmoa dugu, baina ez orain. Babesa bilatzen ari gara, gehiengoa izateko negoziatzen. Une horretan, Rull presidenteari jakinaraziko diogu, eta Parlamentuko osoko bilkura deitzeko eskatuko diogu", ziurtatu du Albert Batet JxCateko talde parlamentarioko presidenteak.
Bestalde, Marta Vilalta ERCko bozeramaileak Rullekin egindako bileran esan du ez dagoela akordiorik inbestidurarako hautagai bati babesa emateko, eta ohartarazi du inork ezin diola ERCri orain eskatu PSCko edo Juntseko hautagaiekin bat egitea: "Negoziatu egin beharko dute".
Vilaltaren ahotan, "harrigarria" eta "arduragabekeria" da inbestidurarako hautagaiak aurkeztu nahi dituzten bi alderdiek datorren asteko osoko bilkuran euren proiektuak "herriari azaldu nahi ez izatea".
Ildo horretan, ohartarazi du negoziatzeko denbora irabazi nahi izatea ez litzatekeela aitzakia izan behar "ezkutatzeko eta aurpegia ez emateko", eta gogorarazi du Pere Aragones jarduneko presidenteak oso bestela jokatu zuela eta inbestidura-eztabaida egin nahi izan zuela, nahiz eta oraindik ez zituen beharrezko babes guztiak lotuta.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.