Terrorismoa egotzita auzipetutako CDRko 12 kideri amnistia ematea eskatu du Fiskaltzak
Marta Durantez, Auzitegi Nazionaleko fiskalburuordea, Errepublikaren Defentsarako Batzordeetako (CDR) 12 kideri amnistia ematearen alde agertu da ostegun honetan, leporatzen zaizkien gertakarietan ez zituztela giza eskubideak urratu argudiatuta. Hain zuzen ere, erakunde terroristako kide izatea egotzita auzipetuta daude pertsona horiek.
Fiskaltzaren ordezkariak adierazi duenez, "ziurtasunetatik abituta" egin behar dira epaiketak; ezin da "usteetatik eta egin zitekeen kaltetik abiatu". "Amnistiari buruzko legean bazterketatzat jotzen diren eskubideei ez zitzaien kalterik egin", gaineratu du.
Hala, amnistia aplikatzeko eskatu du, "epaiketa aurreko izapide gisa", eta Zigor Kodeak ezarritakoaren arabera, erantzukizun penala iraungitzat jotzea, eta, beraz, auzipetutako jarduketak artxibatzea.
Fiskalak ziurtatu duenez, "nahita egindako giza eskubideen urraketa larria beharko litzateke horretarako", eta, Auzitegi Nazionaleko fiskalburuordearen ustez, "akusatuek ez dituzte horrelako ekintzak gauzatu ezta abiatu ere".
Durantezek adierazi duenez, "legezkotasunaren, herritarren eskubideen eta legeak babestutako interes publikoaren defentsan, legezkotasunaren eta inpartzialtasunaren printzipioei erabat men eginez eta arauaren eta egitatezko kasuaren interpretazio erabat teknikoa eginez egin behar dena amnistia aplikatzea da".
Herri akusazioa, bere aldetik, amnistia aplikatzearen aurka agertu da, auzipetuei egotzitako ekintzek "terrorismoa eta traizioa legean agertzen jarraitzen dutelako" eta, haren arabera, lehenago edo geroago hala izango zelako.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".