ERCk ez du baztertzen PSCrekin "berehalako" akordio bat lortzea, baina oraindik "asko" falta dela esan du
Katalunian, Generalitateko presidentearen inbestidurari begira gaur ere negoziatzen jarraitzen dute PSCk eta ERCk, atzo Pedro Sanchez Espainiako Gobernuko presidentearen eta Pere Aragonès Generalitateko jarduneko presidenteak bilera egin ostean. Datorren astean amaituko da negoziazio horietarako ERCk jarritako epea, eta azken hitza beti ere militantziak izango du.
Raquel Sans ERCko bozeramaileak ez du baztertu Salvador Illa Generalitateko presidente izendatzeko PSCrekin akordio "berehalakoa" egiteko aukera, baina oraindik asko geratzen dela nabarmendu du Cadena SER irrati katean ostegun honetan egin dioten elkarrizketa batean. Hala, negoziazioak "aurrera" doazela esan badu ere, bere alderdian sozialistekiko "mesfidantza" antzematen duela azpimarratu du.
Sansek azaldu duenez, negoziaketan korapilo handiena finantzaketan dago, eta subiranotasun fiskala "oraindik" negoziatzen ari direla esan du, ERCrentzat "funtsezkoa" delako.
Bi alderdiek Illa presidente izendatzeko akordioa lortzen badute, ERCk aurreratu du bere militantziarekiko "loteslea" den kontsulta batean berretsi beharko litzatekeela.
Sanzen adierazpenok Pedro Sanchez Espainiako Gobernuko presidenteak eta Pere Aragones Kataluniako jarduneko gobernuburuak Bartzelonan bilera egin eta biharamunean etorri dira. Biek ala biek akordioak 'erdiesteko' konpromisoa hartu zuten atzo, eta Kataluniako presidenteak Sanchezi eskatu zion azkar ibil zedin lehenbailehen Kataluniak finantzaketa-eredu "justu eta propioa" izan dezan.
Alegria, "baikor", Illaren balizko inbestiduraren aurrean
Pilar Alegria Espainiako Gobernuko bozeramaile eta Hezkuntza, Lanbide Heziketa eta Kirol ministroa "baikor" agertu da Salvador Illa PSCko lehen idazkariaren balizko inbestidura baten aurrean, eta ERCrekin negoziatzen jarraitzeko "denbora" eskatu du.
Gobernuko bozeramaileak RTVEn egindako elkarrizketa batean esan ditu hitzok ostegun honetan.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.