ERCko militanteen % 53,5ek babestu dituzte PSCrekin itxitako akordioa eta Illaren inbestidura
Botoa emateko eskubidea zuten ERCko militanteen % 77k (6.349 pertsona) parte hartu dute alderdiaren kontsulta telematikoan, eta % 53,5ek (3.397) PSCrekin adostutako akordioa eta Salvador Illa sozialistaren inbestidura babestu dituzte.
Aitzitik, 2.847 militantek (% 44,8) dokumentuaren aurka bozkatu dute, eta 105 abstentzio edo boto zuri izan dira (% 1,7).
Honenbestez, ERCko militanteek babes estua eman diote alderdiaren egungo zuzendaritzari, Marta Rovira buru duenari, azken egunetan PSCrekin lortutako aurreakordioa defendatu duelako.
Hori guztia, nahiz eta galdeketa azken lau hauteskundeetan emaitza txarrak erdietsi ondoren egin, eta alderdiko buruzagitzaren zatiketa giro batean eta oraindik argitu gabe dauden Maragall anaien aurkako kartel iraingarriek eragindako polemikan murgilduta.
Rovirak honela baloratu ditu galdeketaren emaitzak: "Ez da baiezko biribila, baiezko exijentea baizik". Azaldu duenez, militantzia ez da PSCrekin fidatzen, ez du uste akordioa beteko duenik, eta, horregatik, ERC Kataluniako Parlamentuaren oposizioan egongo dela adierazi du, akordioa "betetzen dela bermatzeko".
ERCk PSCrekin 25 orrialdeko dokumentu batean jasotako akordioak "finantzaketa berezia" aurreikusten du Kataluniarentzat, baita administrazio publikotik kultura katalana indartzeko edo gatazka politikoaren konponbidean aurrera egiteko neurriak ere.
ERCko militanteek honako galdera honi erantzun diote: "Ados zaude ERCk hautagai sozialistaren inbestiduraren alde bozkatzearekin, subiranotasun fiskalaren, katalanaren sustapenaren eta babesaren, gatazka politikoa konpontzeko Konbentzio Nazionalaren eta adostutako gainerako neurrien truke?".
ERCren oinarrien oniritziarekin, Illak gertuago du Generalitateko presidentetza, baina oraindik ere oztopo bat gainditu beharko du; izan ere, Carles Puigdemont presidente ohiak agindu du Kataluniara itzuliko dela inbestidurarako, nahiz eta atxilotua izateko arriskua izan, eta horrek agertoki osoa aldatuko luke.
Beste ziurgabetasun osagai bat ere gehitu da: Jovent Republicak, ERCrekin lotutako gazte erakundeak, ez du bermatu Mar Besses diputatuak inbestidura babestuko duela, barne galdeketan baiezkoak irabazi arren.
PSCren eta Juntsen zuzendaritzen bilerak, larunbat honetan
PSCk zuzendaritzaren ezohiko bilera egingo du larunbat honetan, 11:00etatik 12:00etara, Bartzelonako egoitza nagusian, ERCko militanteen baiezkoaren ostean.
Juntsek ere, zuzendaritza bilera egingo du, modu telematikoan, "erabaki horrek herrialdearentzat eta independentzia prozesuarentzat ekarriko duen egoera politiko berria baloratzeko", ohar baten bidez jakinarazi duenez.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.