Salvador Illak Generalitateko presidente kargua hartu du
Salvador Illa Kataluniako Generalitateko presidenteak karguaren zina egin du gaur, larunbata, 12:00etan, Generalitateko Sant Jordi aretoan izan den ekitaldian, PSC, ERC eta Comuns alderdien babesarekin presidente hautatu eta bi egunera. Kargua "bere kontzientziagatik eta ohoreagatik" hitzeman du Illak.
"Hitz ematen dut nire kontzientziagatik eta ohoreagatik Kataluniako Generalitateko presidente karguaren betebeharrak leialtasunez beteko ditudala, erregearekiko, Konstituzioarekiko, Autonomia Estatutuarekiko eta Kataluniako erakunde nazionalekiko fideltasunez", esan du.
Protokoloari jarraituz, izendapenaren errege-dekretua irakurri du Josep Rull Kataluniako Parlamentuko presidenteak, eta, jarraian, Pere Aragones jarduneko presidenteak karguaren domina eman dio Illari. Ekitaldia bukatzeko, Kataluniako Generalitateko 133. presidenteak hitzaldia eman du.
Hitzaldian, "guztiontzat gobernatzeko" borondatea duela adierazi du Illak, eta bere presidentetzaren ardatz nagusia katalanak "batzea eta zerbitzatzea" izango dela, "kataluniarrei ahalik eta askatasun, oparotasun eta berdintasun handiena emateko".
Ostegunean izendatu zuten presidente Illa, PSC, ERC eta Comuns alderdien aldeko 68 botoekin, eta ostiral goizean Aragonesekin bildu zen Illa, botore-eskualdatzea gauzatzeko.
Ekitaldian izan dira, besteak beste, Maria Jesus Montero lehen presidenteorde eta Ogasun ministroa, Felix Bolaños Espainiako Gobernuko Justizia, Presidentetza eta Gorteekiko Harremanetarako ministroa, Jordi Hereu Industria eta Turismo ministroa, Ernest Urtasun Kultura ministroa eta Diana Morant Zientzia, Berrikuntza eta Unibertsitate ministroa, baita Maria Chivite Nafarroako presidentea ere.
Horrela, PSCren zerrendetako hirugarren presidente bilakatu da Illa, Pasqual Maragall (2003-2006) eta José Montilla (2006-2010) sozialistak izan baitziren karguan aurretik. Gainera, hamalau urtez jarraian gobernatu duten presidente subiranisten zikloari amaiera eman dio.
Ikusmina independentisten artean
PSCren aldeko independentistak eta hainbat kurioso Bartzelonako Sant Jaume plazan bildu dira, Generalitateko Jauregiaren aurrean, Kataluniako presidenteak kargua hartu duen bitartean.
Bertaratutako zenbait pertsonak "Illa governador civil! ERC=PSOE. Independència" zioten kartelak eta PSCren banderak zeramatzaten.
Gobernu berriko kargu-hartzea
Presidentzia kargua eskuratu ondoren, Kataluniako Gobernua osatzeko lanean hasi da Illa. Iganderako izenak prest izatea aurreikusten du, astelehenean har dezaten kargua.
Generalitateko Gobernuko kide izango diren lehen izenak jakitera eman dituzte jada: batetik, Nuria Parlon Bartzelonako Santa Coloma de Grameneteko alkate eta PSCko bozeramailea Barne kontseilaria izango da, eta, bestetik, Albert Dalmau Bartzelonako Udaleko gerentea Presidentetzako kontseilaria izango da.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.