Pradales eta Chivite lehendabiziko aldiz bilduko dira, gai-zerrendan AHTa eta finantzazio eredua dituztela
Imanol Pradales Eusko Jaurlaritzako lehendakaria eta Maria Chivite Nafarroako Gobernuko presidentea gaur bilduko dira Iruñean, bi agintarien arteko lehen hartu-emanean Pradalesek ekainean kargua hartu zuenetik.
Presidenteek aztertuko dituzten gaien artean egongo da bi erkidegoen Kontzertu eta Hitzarmen ekonomikoen egoera, Kataluniaren finantzazio bereziaren akordioaren ondoan.
Euskal Autonomia Erkidegoaren eta Nafarroako Foru Erkidegoaren artean abiadura handiko trenbideak nondik lotu ere aipatuko dute euren arteko elkarrizketan, Maria Ubarretxena Jaurlaritzako bozeramaileak atzo aurreratu zuenez.
Bi erkidegoen AHTak elkarrekin lotzeko bi aukera daude: Gasteiztik edo Ezkio-Itsasotik (Gipuzkoa). Arabako eta Gipuzkoako foru aldundiak ez dira ados jartzen, nahiz eta bi lurraldeetan EAJk eta PSE-EEk agindu.
Ubarretxenak atzo azpimarratu zuen beharrezkoa dela "txosten guztiak izatea hartu beharreko erabakian huts ez egiteko". Pradalesek eta Chivitek, biek ala biek, azkenaldian esan dute azken erabakia hartzeko txosten tekniko guztiak izan behar dituztela mahaigainean, batez ere Ezkio-Itsasotik egiten den konexioari buruzkoak, horrek kostu handiagoa izango lukeelako eta Aralar mendilerroari eragingo liokeelako.
Gainera, Pradalesek eta Chivitek bi gobernuen arteko lankidetza-protokoloa ere errepasatuko dute. 2021ean sinatu zuten azkena, osasuna, enplegua, etxebizitza, berdintasuna, hizkuntza-politika, gazteria, hezkuntza eta segurtasunaren ingurukoa. Gainera, duela gutxi, bi exekutiboek akordio bat sinatu zuten Nafarroan EITBren hedapena bermatzeko.
Eusko Jaurlaritzako bozeramaileak bi erkidegoen arteko "lotura historiko, kultural, linguistiko eta soziala duen harreman berezia" aipatu zuen. Partekatzen duten "lankidetza-ereduaren" ondorioz, hainbat erakunde sortu eta garatu dituzte, baita foroetan parte hartu ere, hala nola euroeskualdea, Pirinioetako Lan Batzordea eta Arku Atlantikoa.
Pradalesen eta Chiviteren arteko lehen bilerarekin "etorkizuneko lankidetzan sakondu" nahi dute, Hego Euskal Herriko bi erkidegoen arteko harremanak "beti onak izan direlako eta onak izaten jarraituko dutelako".
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.