ELAk ez du osasun-itunaren lehen bileran parte hartuko
Zalantza zegoen, eta ELAk baieztatu egin du ez duela parte hartuko ostegunean egitekoa den osasun-itunaren lehen bileran. Sindikatuak uste du "beste mahai bat baino", Osakidetzak "berehalako eta egiturazko neurriak" behar dituela. Hala jakinarazi dio sindikatuak Imanol Pradales lehendakariari, gutun bidez.
ELAren iritziz, Gobernuak "ez du osasun arloan sakoneko aldaketarik egiteko asmorik, eta uste du mahai horrek propaganda kutsua duela, osasun alorrean sakoneko aldaketak egiteko asmoa baino. Hala, lehendakariaren ekimenaren "sinesgarritasun falta" salatu du.
Oharrean, sindikatuak adierazi du Osasungintza "publikoa indartzea eta osasun pribatura bideratutako baliabideak murriztea" direla lehentasunak, baita "lan baldintzak hobetzea eta aurrekontua nabarmen handitzea" ere.
Horregatik, iragarri du ez duela mahaian parte hartuko, funtsean, ez duelako ikusten Jaurlaritzak borondate argirik duenik Osakidetzan egiturazko aldaketak egiteko, eta ez duelako ulertzen, gainerako sindikatuei jakinarazi gabe, aparteko orduen sistema berria medikuen sindikatuarekin alde bakarrez negoziatu izana.
Asteartean Maria Ubarretxena Gasteizko Exekutiboko eledunak, Gobernu Bileraren osteko agerraldian, esan zuen ELA sindikatua bileran izatea nahi zuela; izan ere, gainerako sindikatuek, alderdi politikoek, elkargo profesionalek eta unibertsitateek baieztatuta zuten bertan izango direla, ez, ordea, ELAk. Ubarretxenaren arabera, gaiak duen "garrantzia" kontuan izanda, "eragile guztien ekarpenak beharrezkoak" dira.
Azkenean, baina, ELAk erabaki du bileran parterik ez hartzea. Biharko du hitzordua egina Jaurlaritzak, Bilbon, goizeko 11:00etarako, eta hainbat eragile elkartuko dira, lehen aldiz, osasun ituna lortzeko helburua duen mahai horretan.
"Atsekabea"
Berria "atsekabez" hartu du Imanol Pradales lehendakariak, eta uste du ELAk sindikatuaren interesak lehenetsi dituela, euskal gizartearen interes orokorraren gainetik. "Gure herrian ordezkaritza handiena duen sindikatuak ez du uste garrantzitsua denik osasun sistema hobetzeko bilera batean parte hartzea eta hori atsekabez hartzeko berria da", esan du, Maria Chivite Nafarroako Gobernuko presidentearekin bildu ondoren egin duen agerraldian.
"ELAk gaur bere burua alboratu" badu ere, erantsi du, "beti izango du aulkia gordeta osasunaren alde lan egiteko buzoa jantzi nahi duenerako".
Zure interesekoa izan daiteke
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.
Kitchen auziko polizia-ikerketaren buruak esan du Barne Ministerioak Barcenasi kontrol "sakona" egin ziola, espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela auziari buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.
Aitor Esteban: "Gauetik goizera Iparraldea ez da abertzale bihurtu; dinamikak oso ezberdinak dira, eta, askotan, pertsonalak"
Aitor Esteban EAJren EBBko presidenteak, de Andres popularrari erantzun dio esanez "PPk herri honetan zer gertatzen den jakin gabe" jarraitzen duela. Jeltzaleen buruak uste du "irakurketa erabat okerra" egitea dela "goizetik gauera Iparraldea abertzale" bihurtu dela pentsatzea. "Ez da hori kontua. Dinamika oso ezberdinak dira Iparraldean, eta askotan pertsonalak dira", ohartarazi du. Eta adierazi duenez, ezin zioten Jean-Rene Etchegarayri irabazten utzi, azken urteetako bere politikak "egokiak ez" zirela esan ostean eta Peio Etxalekurekin izandako "tentsioen" ondoren.
"Ezker erradikalari lekukoa ematea" egotzi dio Euskadiko PPk EAJri, eta horren adibide jarri du jeltzaleek Iriarti Iparraldean emandako babesa
Gasteizen egin duen prentsaurreko batean, Javier de Andres EAEko PPren presidenteak salatu du "ulertezina" dela EAJ "zentralitatean egotea eta haren botoak beti Bildun amaitzea", Alain Iriart (EH Bai) Euskal Hirigune Elkargoaren buru izateko EAJk emandako babesari aipamena eginda.
Begoña Gomez epaitzea proposatu du Peinado epaileak, lau delitu egotzita
Juan Carlos Peinado magistratuak auziaren instrukzioa itxitzat eman du, eta Pedro Sanchezen emaztea epaitzea proposatu du, lau delitu egotzita: eraginen trafikoa, ustelkeria negozioetan, ondasun publikoak bidegabe erabiltzea eta bidegabeko jabetzea. Halaber, bost eguneko epea eman die aldeei ondorioak aurkez ditzaten.
Otxandianoren arabera, Iparraldeko dinamika politikoak inspiragarriak izan beharko lirateke Hegoaldean
Pello Otxandiano EH Bilduren Eusko Legebiltzarreko bozeramailearen arabera, "herri honek behar du EAJ eta EH BIlduren arteko esparru bat, adostua".
EAJk lehen indarra izaten jarraitzen du Euskadin, EH Bildurekiko eserleku bateko koska duela
Araban, jeltzaleek eta EH Bilduk zortzina eserleku eskuratuko lituzkete, berdindurik, baina EAJ lehen indarra izango litzateke hamarren batengatik, Sumarri eserleku bat irabazita.
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.