Esteban: "Gonzalez presidente aitortzeko erabakiak ez du EAJren eta Gobernuaren arteko harremana arrakalatu"
EAJren eta Espainiako Gobernuaren arteko harremanaren osasunaz hitz egin du Espainiako Diputatuen Kongresuan jeltzaleek duten bozeramaile Aitor Estebanek, Euskai Irratiko "Faktoria" saioan, Felix Bolaños Espainiako Presidentetza, Justizia eta Gorteekiko Harremanetarako ministro sozialistarekin asteon izan duen bileraren harian.
Hain zuzen ere, EAJk Edmundo Gonzalez Venezuelako presidente gisa aitortzeko hartutako erabakiaz jardun du, eta argi utzi du horrek ez duela Espainiako Gobernuarekin duten harremanean arrakalarik sortu. "Ez dago ezelako gorabeherarik, pasarte hau tarteko. Espekulazio hutsak dira, seguraski PPk sustatutakoak, arrakala hori interesatzen zaiolako", esan du.
Erabakia hartzera zerk bultzatu dituen galdetuta, nabarmendu du "venezuelarrei erantzun bat ematea" zela lehentasuna, "demokraziaren defentsan". "Ez dakit pausoa onuragarria den ala ez, baina hitz egin dudan venezuelar guztiek behar zuten urrats hori", erantsi du.
Estebanek, halaber, azpimarratu du Parlamentuak jarrera politiko bat hartu behar zuela, eta orain Espainiako Gobernuak eskuak libre dituela nahi bezala jokatzeko.
Autogobernuaren afera hizpide, Diputatuen Kongresuko bozeramaile jeltzalea ziur da ez dela bat-batean helduko, baina "errealitateak horretara eramango gaitu", erantsi du. "Politikan ere, pausoak ematea da ibiltzeko modurik egokiena. Beharbada ez da legealdi honetan iritsiko, baina ahalegina egin behar dugu, irtenbide politiko bat lor dezakegulako", nabarmendu du.
Zure interesekoa izan daiteke
Bingen Zupiria: "Batzuek kanpotarrak estigmatizatzeko helburua dute, eta diagnostiko zehatza egin behar da"
Bingen Zupiria Segurtasun sailburuak Gasteizen esan duenez, kezka berezia sortzen diote 2025eko lehen hiruhilekoan homizidioek eta indarkeria matxista kasuek izan duten igoerak. "Aurten 11 homizidio izan ditugu. Urte asko dira ez genituen horrenbeste homizidio", adierazi du Zupiriak.
Fiskal Nagusiaren epaiketa "barregarrikeria" dela esan du Patxi Lopezek
Patxi Lopez PSOEk Diputatuen Kongresuan duen bozeramaileak salatu duenez, Auzitegi Gorenean Alvaro Garcia Ortiz Estatuko fiskal nagusiaren aurka egindako epaiketa "barregarrikeria da", eta "egia gailentzea" eta errugabe deklaratzea espero du. Radio Euskadin egindako elkarrizketa batean, Lopezek galdetu du "nork eraman duen Ayusoren bikotea (Alberto Gonzalez Amador) egoera horretara" ez badira izan bera eta bere ingurukoak. "Izan ere, bera edo bere abokatuak akordio batera iritsi nahian ari ziren iruzur egindakoa Ogasunari itzultzeko eta, hortik abiatuta, inolako zentzurik ez duen ikuskizun moduko bat antolatzen hasi ziren", adierazi du.
Puentek adierazi du Zallan 24 trenbide-pasagune kendu egingo dituztela, aurreko asteko istripuan lagun bat hil ostean
Ministroak aitortu duenez, udalerri hori da Euskal Autonomia Erkidegoan "trenbide-pasagune gehien" dituena, eta baliteke "Espainiako trenbide-sare osokoa" izatea ere, 34 trenbide-pasagune baititu.
Torresek bere izena zikintzeko erasoa salatu eta Victor de Aldama auzitara eramango du
Ministroak iragarri du auzitara eramango duela 'Koldo auzi'ko komisio-hartzailea, haren eta familiaren ohorea, intimitatea eta irudia kaltetzeagatik.
Segurtasun Sailaren aurrekontua % 6,4 igoko da 2026an, eta 850 milioi eurora iritsiko da
Bingen Zupiria sailburuak bere sailaren kontuak aurkeztu ditu Eusko Legebiltzarrean. Kontu horiek % 6,4 igo dira, eta lehentasuna ematen diete teknologia modernizatzeari, Ertzaintza indartzeari eta zibersegurtasuna hobetzeari.
Insaustik donostiarrei "gehiago eta hobeto entzuteko" konpromisoa hartu du
Astearte honetako Tokiko Gobernu Batzarraren osteko prentsaurrekoan, Jon Insaustik adierazi du bilera "berezia eta gogorra" izan dela. Donostiako alkateak eta Ane Oyarbide PSE-EEren Udaleko bozeramaile eta lehen alkateordeak Donostiako Gobernua "indartsu, indarberrituta eta jarrera berriarekin" dagoela defendatu dute.
Euskadik eta Iparraldeak lankidetza-akordioa sinatu dute igarobidean dauden migratzaileen inguruan
Akordio berria Gasteizko Ajuria Enea Jauregian sinatu dute Imanol Pradales lehendakariak eta Jean-Rene Etchegaray Euskal Hirigune Elkargoko presidenteak eta Baionako alkateak, eta "erronka politiko, ekonomiko, sozial eta ingurumenekoei elkarrekin aurre egiteko ikuspegi komuna eraikitzeko" borondatea dutela adierazi dute.
Ayusoren bikotekideak "publikoki hiltzea" egotzi dio Estatuko fiskal nagusiari
Miguel Angel Rodriguezek, Ayusoren kabineteburuak, azaldu "bere burua behartuta" ikusi zuela Fiskaltzarekin negoziatzen ari zirela filtratzera.
Azaroaren 23an izango dira Arabako kontzejuetako hauteskundeak
30.000 pertsona baino gehiago daude botoa ematera deituta lurraldeko 333 kontzejuetan, Administrazio Batzarrak berritzeko. Batzar horiek landa-bideak, mendiak, iturriak, baso-ondarea eta bestelako ondasun publikoak kudeatzen dituzte.
PSNrekin akordioa lortuz gero, Iruñeko udalaren aurrekontuak "inoiz izan diren kontu zabalenak" izango direla adierazi du Asironek
Joseba Asironek argi esan du PSNrekin akordioa lortu eta Iruñeko udalaren aurrekontuak onartu egingo direla. Inoiz izan diren kontu zabalenak izango direla adierazi du Euskadi Irratian Asironek.