Anduezak EAJri ohartarazi dioenez, "ez da komenigarria" Jaurlaritzaren gehiengoarekin "jolastea"
Eneko Andueza PSE-EEren idazkari nagusiaren arabera, "nabaria" da azken asteotan EAJ EH Bildutik "aldetzeko, bereizteko" ahaleginean dagoela Madrilen, eta jarrera hori alderdi bakoitzaren "estrategiaren barruan" kokatu badu ere, ohartarazpena egin die jeltzaleei. Izan ere, nabarmendu duenez, jeltzaleek Pedro Sanchezen Gobernuari ematen dioten babesean aldaketarik balego, "logikoki" PSE-EEk eta EAJk Jaurlaritzaren baitan duten "harremana ezberdina" izango litzateke; "aztertu beharko litzateke", erantsi du.
Anduezak Euskadi Irratiko "Faktoria" saioan egin dioten elkarrizketan egin ditu adierazpenok. Buruzagi sozialistaren aburuz, Jaurlaritzan dagoen egonkortasuna "gehiengo baten ondorioz da, eta gehiengo hori PSE-EEk emana da, EAEko hauteskunde autonomikoetan EAJren beherakada ikusita". "Ez da komenigarria horrekin jolastea, espekulatzea", ohartarazi du.
Guggenheim Urdaibai proiektuaz duen iritziaz galdetuta, zuhurrago azaldu da Andueza, eta horren "dimentsioa" zehaztearen alde agertu da. "Ez dut esango alde edo kontra nagoen, baina bai informazio guztia behar dugula, ez dakigulako zer dimentsio edukiko duen", argudiatu du. Dena den, hori zehaztuta, erakunde guztien artean —Jaurlaritza bera ez ezik, Ministerioa, Aldundia eta udalak ere tartean daudela gogora ekarri du— "adosteko prest" dagoela azpimarratu du.
Euskal Y proiektua ahotan, argitu nahi izan du berak ez duela Nafarroarekin lotunea egiteko Gasteiz lehenetsi, Ezkio-Itsasoren (Gipuzkoa) kaltetan, eta berretsi du Ministerioak amaitzeke duen txostenaren arabera finkatuko duela bere jarrera. Bigarren "ñabardura bat" ere egin nahi izan du, hori ere jeltzaleei zuzenduta: "Askotan atzerapenen kontua entzun diet alderdi batzuei eta lehendakariari berari, baina hemen historiarekin zintzotasun bat eduki behar dugu, eta horien jarrera aztertu. Batzuek (proiektua) boikoteatzeko jarrera izan dute, eta beste beste batzuek, instituzioak eta Lehendakaritza zutenean, ez dut esango horri frenoa jarri ziotenik, baina bai proiektu asko kajoian sartu zituztela". Anduezaren ustez, atzerapenen erantzukizuna partekatua da, horrenbestez.
Azkenik, Anduezak balioan jarri du Mikel Torres Eusko Jaurlaritzako Ekonomia, Lan eta Enplegu sailburuak EAEko gutxieneko soldata egokitzeko egindako hausnarketa. Buruzagi sozialistak ez du, ordea, kopururik zehaztu nahi izan. "Ezin dugu subasta bat bihurtu, seriotasuna behar da", adierazi du EH Bilduk eta LABek egindako proposamenen harira.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.