Alderdiek agerian utzi dituzte memoria arloan dituzten desadostasunak, Gogora Institutuan
Osakidetzaren inguruan alderdiek jarrerak hurbildu dituzten arren, memoriaren arloan asko dira oraindik desadostasunak, Gogora Institutuaren Zuzendaritzako kideen izendapenean ikusi berri denez.
Eusko Legebiltzarreko Justizia eta Giza Eskubide Batzordeak alderdien hautagaiak bozkatu ditu gaur, Gogoraren Zuzendaritza Kontseiluan bost aditu independente izendatzeko.
Sei hautagai zeuden (EAJk, EH Bilduk eta PSE-EEk bina aurkeztu dituzte), eta bozketaren ostean, kanpo geratu dena Pilar Garaialde Triple A eskuin muturreko taldeak hildako taxista baten alaba izan da.
Hori horrela, koalizio subiranistak Garaialderen hautagaitza babestu ez izana eta "Estatuaren biktimak berriz ere diskriminatzea" egotzi die jeltzaleei eta sozialistei. Gainera, EH Bilduk institutuan parte hartu edo ez aztertuko duela aurreratu du Julen Arzuaga legebiltzarkideak.
Horren aburuz, Garaialde kanpo geratu izana "memoria arloan hartzen ari diren erabakien norabide okerraren seinale" da. Egungo legegintzaldian, PSE-EEren esku daude memoria politikak.
Zuzendaritzako kideak
Bozketaren ostean, pertsona hauek osatuko dute Gogora Institutuaren Zuzendaritza Kontseilua:
- Maria Jauregui, ETAk hildako Juan Maria Jauregui zenaren alaba (EAJk proposatuta)
- Eider Landaberea ikerlari eta historialaria (EAJk proposatuta)
- Josu Elespe, ETAk hildako Froilan Elespe zinegotzi sozialista zenaren semea (PSEk proposatuta)
- Jose Antonio Perez historialaria (PSEk proposatuta)
- Paco Etxeberria antropologo eta auzitegi-medikua (EH Bilduk proposatuta)
EAJren eta PSE-EEren erantzunak
EH Bilduren kritiken ostean, EAJk adierazi du EH Bilduren bi hautagaietako bat besterik ez babestea erabaki duela, "aurreko legegintzaldian Gogora Institutuaren Zuzendaritza Kontseiluko kide ziren pertsonak izendatzeko akordio bat zegoelako taldeekin".
"Gobernu-akordioa dugun taldeek izendatutako 5 pertsona izendatu genitzakeen, baina EH Bilduk proposatutako pertsona bati botoa ematea erabaki dugu", gaineratu du.
Era berean, PSE-EEk nabarmendu du EH Bilduk bazekiela Jaurlaritzako alderdiek 5 kideetako 4 izendatu nahi zituztela, eta koalizio abertzaleari eskaini ziotela haren bi hautagaietako zein babestea erabakitzea.
Horrenbestez, sozialistek gaitzetsi egin dute Arzuagaren "jarrera", eta "egia ez den errelato bat modu alderdikoian erabiltzea" leporatu diote.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.