Etxebizitza Legea "moldatzea" eskatu du EAJk, eta Sanchezek araua betetzeko "denbora"
Iazko maiatzean indarrean sartu zenetik, Etxebizitza Legeak "paradigma aldatzea" eta "eremu tentsionatuetan alokairuaren prezioa % 5 jaistea" ekarri du. Hala esan du Pedro Sanchez Espainiako Gobernuko presidenteak, gaiari buruz Aitor Esteban EAJk Kongresuan duen diputatuak egin dion galderari erantzunez. Nolanahi ere, erkidegoek araua "garatzeko eta betetzeko denbora" eskatu du buruzagi sozialistak.
Legeak izan duen eraginari buruzko gogoeta egitea beharrezkoa ikusten duen galdetu dio Estebanek gobernuburuari, eta azken horrek erantzun araua ondorio positiboak uzten ari dela hainbat udalerritan. Adibiderako, Katalunia jarri du. Han, 140 udalerri izendatu dituzte eremu tentsionatu eta etxebizitzen alokairuaren prezioa % 5 jaitsi da hilabete gutxiko epean. "Azken 20 urteotan izandako jaitsierarik handiena da", esan du presidenteak. Horren harira, Errenteriaren kasua ere goratu du. Datuokin, gaiaz hitz egiteko eta eztabaidatzeko prestutasuna agertu du.
Erreplikarako txandan, Estebanek Etxebizitza Legearen "zuloak" nabarmendu ditu. Bere hitzetan, besteak beste, etxebizitza turistikoen erabilera ez du arautzen legeak, eta horrek jabeen ezinegona eragin du. "Alokatzeko etxebizitzen eskaintzak nabarmen egin du behera EAEn, % 30", zehaztu du.
Kataluniako egoerari buruz, berriz, EAJko diputatuak azaldu du alokairuaren prezioa jaitsi bada ere, eskaintza % 17 murriztu dela. Zentzu horretan, alokairurako etxebizitzen eskaintza zabaltzeko politikak galdegin ditu.
Albiste gehiago politika
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.