Etxebizitza legea, indarrean
Etxebizitza Eskubidearen aldeko Legea gaur, ostiralarekin, sartu da indarrean, Estatuko Aldizkari Ofizialean behin argitaratuta. Hori horrela, maiatzaren 28ko udal eta foru hauteskundeak egin baino lehen egongo da martxan.
Araudiaren neurri gehienak gaur bertan sartu dira indarrean (alokairuen prezioari muga jartzearena, besteak beste), baina alokatzaileentzat Pertsona Fisikoen Errentaren gaineko Zergan (PFEZ) aurreikusitako pizgarriak 2024ko urtarrilaren 1era arte atzeratu dituzte.
Negoziazio bide malkartsua izan du arauak, eta M28ko hauteskundeen atarian desblokeatu zuten PSOEk, Unidas Podemosek eta ERC eta EH Bildu taldeek, akordioa erdietsita. Senatuak maiatzaren 17an onartu zuen, koalizio gobernua osatzen duten taldeen eta Gobernua babesten duten ezkerreko indarren aldeko botoarekin. Ifrentzuan, EAJk eta eskuineko beste alderdi batzuek bozkatu zuten. Aurrez, hilabete lehenago, onetsi zuen Kongresuak.
Esan bezala, atzo kaleratu zuen araua BOEk, Estatuko Aldizkari Ofizialak.
Legearen giltzarri nagusiak
Testuak muga jarriko die alokairuen prezioei. Aurten, ezingo dira % 2 baino gehiago igo, eta 2024an % 3an ezarriko da muga; 2025erako, indize berri bat sortuko dute, KPIaren bilakaeraren azpitik beharko duena. Espainiako Estatistika Institutuak ezarriko du tasa 2025eko urtarrilaren 1erako.
Halaber, tentsio handiko guneak zeintzuk diren zehaztuko du. Bi baldintza hauetako bat bete beharko da izendapen hori jasotzeko: hipoteka edo alokairua eta gastuak ordaintzeko zenbatekoa familien batez besteko errenta baino % 30 handiagoa izatea edota azken bost urteotan salmenta edo alokairuaren prezioa KPIa baino % 3 gehiago igotzea.
Bestalde, alokairua sustatzeko neurri gisa, bi urte baino gehiagoz etxebizitza hutsik duten jabeek % 50 eta % 150 arteko gainkargua izango dute Ondasun Higiezinen gaineko Zergan.
Gainera, maizter zaurgarrien kasuetan, alokairu kontratuak urtebetez luzatu ahalko dira. Etxegabetzeen kontrako hainbat neurri ere jasotzen ditu legeak: debekatuta egongo dira ordu eta datarik gabeko etxegabetzeak, eta horiek atzeratzeko formulak erantsi ditu.
Etxebizitza, kanpainaurreko gai izarretako bat
M28ko hauteskundeen atarian eztabaidatzeagatik, kanpainaurreko hizpideetako bat izan da. EAEn, tentsioak eragin zituen Eusko Jaurlaritzako bazkideen artean (EAJ eta PSE-EE), jeltzaleek uste baitute legeak eskuduntzak urratzen dituela. Horren harira, EAJk gogor egin zuen EH Bilduren kontra legea babestu eta erkidegoena den eskuduntza batean Espainiako Gobernuari "alfonbra gorria jartzeagatik".
Espainiako Estatuan, Pedro Sanchezek hainbat iragarpen egiteko baliatu du: besteak beste, Sareb-en etxebizitzen ingurukoak, Defentsa Ministerioaren lur-sailak alokairuzko etxebizitzak egiteko bideratzekoa edo hipotekaren % 20ri aurre egiteko ICOren abalak ematekoa.
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.