Bi iruindarri kartzela-zigorra ezarri diete Espainiako bandera zeraman gizon bat erasotzeagatik
Iruñeko Zigor Arloko 3 zenbakiko Epaitegiak urtebete eta 9 hilabeteko espetxe-zigorra ezarri die bi pertsonari Espainiako bandera zeraman gizon bat erasotzeagatik. 2022ko urriaren 12an, Nafarroako hiriburuko Alde Zaharrean, Hispanitatearen Eguna zela-eta Espainiako bandera zeraman gizon batekin eztabaidatu zuten.
Gertakariak Nabarreria plazan jazo ziren, Hispanitatearen Eguneko 18:30ean, Aske Antolakundeak "Indar errepresiboak suntsitu" lelopean mobilizazioa hasi behar zuenean. Pertsona bat Espainiako bandera batekin agertu zen tokian, eta han bildutakoek probokaziotzat hartu zuten, eta hala aurpegiratu zioten. Epaileak ebazpenean adierazi duenez, manifestariak gizonaren "ideologia ezberdinekoak" ziren. Mobilizazioaren deitzaileek gizona Vox eskuin muturreko alderdiarekin lotzen dute.
Aldeek epaiaren aurkako helegitea jartzeko aukera dute Lurralde Auzitegian. Epaileak uste du diskriminazioaren astungarria dagoela auzian, "gizonaren aurka" erabilitako "larderiazko indarkeria fisikoagatik", "errudunetako batek ukabilkada bat eman nahi izan zion eta besteak bandera kendu, eta horren arrazoia Espainiako bandera bizkarrean eramatea zen".
Epaileak frogatutzat eman duenez, "bere burua mespretxatzeko eta arbuiatzeko asmoz, bere larru-koloreagatik eta bere ustez Espainiako banderak ordezkatzen zuen ideologiarekiko mespretxu eta arbuioagatik, auzipetuetako batek ukabilkada bat eman zion, eta ukabilkada hori saihestu ahal izan zuen; beste erruztatua, berriz, bandera kentzen saiatu zen bortizki, 'kanpora' oihuekin eta 'beltza' bezalako irainekin batera".
Epailearen ebazpenak jasotzen duenez, Espainiako bandera zeraman gizonak esan zuen "jota eta umiliatuta" sentitu zela berak nahi zuen lekura joaterik ez zuelako. Adierazi zuenez, "Espainian bakarrik gertatzen da norbait bere banderarekin ezin joatea".
Zigortuek, 31 urteko iruindarrek, 900 euroko kalte-ordaina eman beharko diote gizonari, eta ezingo dute 50 metro baino gutxiagora hurbildu 2 urte eta 9 hilabetez.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.