Goiak eta Lasak uko egin diote GBBko presidente izateko prozesuari, Arrizabalaga hautagai bakar gisa utzita
Eneko Goiak eta Imanol Lasak uko egin diote GBBko presidente izateko prozesuan jarraitzeari, eta, beraz, Maria Eugenia Arrizabalaga izango da hurrengo fasera igaroko den hautagai bakarra.
EITBk aurreratu duenez, Goiak eta Lasak ez dute Joseba Egibar ordezkatzeko prosezuan jarraituko, baina Lasaren kasuan burukide izateko hurrengo fasera pasatzea onartu du.
Aldaketa horren ostean, Arrizabalgari bidea erraztu diote EAJren Gipuzkoako zuzendaritzaren buru izateko. Egibarrek, 33 urteren ostean, buru izaten jarraituko ez duela iragarri eta gero abiatu zen prosezua.
Hurrengo fasea azaroaren 7an hasi eta 17an amaituko da.
Horrela, urriaren 17an hasi zen EAEko hiru zuzendaritza batzordeen berrikuntza osorako prozesuak aurrera jarraitzen du — Unai Hualdek eta Peio Etxelekuk NBBren eta IBBren buru izaten jarraituko dute —.
Jelkide ezagunek Urtaranen alde egin dute Araban
18 jelkideko talde batek (tartean Arabako EAJren barruan izen garrantzitsuak; besteak beste, Juan Mari Ollora ahaldun nagusi ohia, Jose Angel Cuerda Gasteizko alkate ohia eta Estefania Beltran de Heredia sailburu ohia) Gorka Urtaran hautagaiaren aldeko manifestua sinatu dute.
"Gutun hau idazten dugunok ziur gaude Gorka Urtaran dela Araban EAJ zuzentzeko hautagai egokiena", esan dute idatzi batean.
"Etorkizuna saretzeko aukera ematen digun aldaketa prozesu batean gaude. Batasunetik eta adostasunetik lor dezakegu, guztion parte-hartzea sustatuz, elkarrizketa eta eztabaida tarteko. Gorka Urtaranek konpromisoa du alderdiarekin, Arabarekin eta Euskadirekin. Pertsona zein politiko gisa hazi da, duela 130 urtetik bereizten gaituzten baloreak eta printzipioak besarkatuz", erantsi dute.
Bi hautagai Bizkaian
Bizkaian, Iñigo Ansola Energiaren Euskal Erakundeko presidente ohiak irabazi zuen joan den astean ia udal batzar guztietan, baina hautagai alternatibo bat, David Salinas-Armendariz, bi batzarretan aukeratu zuten, eta Bizkai Buru Batzarreko (BBB) presidente izateko hurrengo fasera pasatzeko aukera eman zioten emaitza horiek.
Ostiral honetan, Salinas-Armendarizek prozesuan aurrera egingo duela iragarri du eta Berme eta Kontrol Batzorde Nazionalari BBBko Lehendakaritzarako bigarren itzulian parte hartzeko asmoa duela adierazi diola baieztatu du.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.