Lanaldia murrizteko babesa eskatu diete CCOOk eta UGTk EAJri eta EH Bilduri
Unai Sordo CCOOren idazkari nagusia eta Pepe Alvarez UGTren idazkari nagusia Andoni Ortuzar EAJko presidentearekin eta Arnaldo Otegi EH Bilduren koordinatzaile nagusiarekin bildu dira gaur, lanaldia legez murrizteko "beharrari" buruz proposamenak aurkezteko eta indar politikoen babesa jasotzeko.
Bilerak Bilbon eta Donostian izan dira, hurrenez hurren, eta CCOOk eta UGTk talde politikoekin hasitako bilera-sortaren parte dira, CEOE patronalak lanaldia murrizteko legedian aurrera egiteko akordio bati uko egin ondoren.
EAJk "azken ahalegina" eskatu die CCOOko eta UGTko idazkari nagusiei CEOErekin lanaldia legez murrizteko ituna ixteko. Sindikatuek, aldiz, alderdi jeltzaleak izan duen "sintonia" baloratu dute.
Sindikatuen buruek EAJren arduradunekin hasi dute talde politikoekin iragarritako bilera-sorta, patronalak lanaldia legez murrizteko akordio bat adosteari uko egin ostean.
Goizean egindako bileran, EAJren aldetik, Andoni Ortuzar, Aitor Esteban eta Joseba Aurrekoetxea izan dira, eta sindikatuen aldetik, EAEko CCOO eta UGT sindikatuen idazkariak, Loli Garcia eta Raul Arza, hurrenez hurren.
Bilera ordu eta erdiz egin dute, eta EAJk "azken ahalegina" eskatu die sindikatuei Espainiako Gobernuarekin eta CEOErekin negoziazio mahaian akordio bat lortzeko, "Gorteetara iristen den testuak ahalik eta adostasun eta babes handiena izan dezan".
EAJko ordezkariek konpromisoa hartu dute alderdiari bidal dakiokeen edozein proposamen "sakon" aztertzeko, langileen lan-baldintzak hobetzea enpresen antolamendu eta bideragarritasun ekonomikoarekin bateragarri egiteko.
Sindikatuen buruzagiak, bestalde, pozik atera dira jeltzaleekin izandako bileratik, alderdiaren "planteamenduetan sintonia eta prestutasun handia" ikusi dutelako, Sordoren arabera.
Euskal alderdiak hiruko akordio baten alde egindako eskaeraren aurrean, sindikatuak negoziatzeko prest agertu dira, baina, Pepe Alvarezen iritziz, "denbora amaitu da, legealdia aurrera doalako", eta sindikatuek neurria onartzea nahi dute.
Unai Sordok uste du sindikatuek ere nahiago dutela akordioa adostu, baina orain, erantsi duenez, ez dute "egingarri" ikusten, CEOEren ezezkoaren ostean, eta "EAJ jakitun da".
Alvarezek argudiatu duenez, "40 orduko lanaldiak 41 urte baino gehiago ukitu gabe eman ditu", eta "teknologiak aldaketak egitea ekarri beharko luke". Azpimarratu duenez, lanaldia 37 ordu eta erdira murriztea beharginek "asko nahi duten aldarrikapena da".
Sindikatuen buruek antzeko bilera egin dute arratsaldean EH Bildurekin, eta koalizio subiranistak Sordori eta Alvarezi esan die beharrezkoa dela "Euskal Herriko ezaugarri sozioekonomikoekin bat datorren" gutxieneko soldata bat ezartzea, eta, aldi berean, babestu egin du lanaldia murrizteko proposamena, indar politikoak berak ohar batean jakinarazi duenez.
Gainera, EH Bilduk azaldu du Euskal Autonomia Erkidegoan badagoela "lanaldia 32 ordura murrizteko proposamen bat", eta horretarako "Eusko Jaurlaritzak finantzatutako proba pilotuak" egiten ari direla.
Otegirekin izandako bileraren ostean egindako agerraldian, Sordok "balorazio positiboa" egin du. Bertan, sindikatuek EH Bilduri adierazi diote "beharrezkoa dela gehiengo politikoa lortzea, lanaldia 37,5 ordura murriztea bermatzeko, eta, printzipioz, alderdi subiranistaren jarrera" guztiz aldekoa izan da".
Bestalde, Alvarezek nabarmendu du bilera "oso emankorra" izan dela, EH Bilduk "benetan ildo horretan eta jarrera horretan" dagoela esan duelako, nahiz eta 37,5 orduko lanaldia "ez den azken helburua, baizik eta beste urrats bat Europara, 32 ordura, hurbilduko gaituen lanaldiaren murrizketara aurrera egin behar den prozesu batean", gaineratu du.
Zure interesekoa izan daiteke
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.