Mazonek "egiez eta gezurrak" baztertzeko eskatu, eta "kontraesanak" leporatu dizkio Espainiako Gobernuari
Carlos Mazon Valentziako Generalitateko presidenteak eskatu du alde batera uzteko urriaren 29an berak egin zuenaren inguruko "egiez eta gezurrak", eta berretsi du ez zela inkomunikatuta egon bazkarian zehar; adierazi duenez, Cullerako alkatearekin hitz egin zuen, besteak beste. Gainera, Espainiako Gobernua, bere erakundeen bitartez, "kontraesanetan" ari dela salatu du.
Mazonek L'Elianan egin ditu adierazpenok, Larrialdien Koordinaziorako Zentroan CECOPIk egin duen batzarrera joan denean.
Foratako urtegia apurtu egin zitekeela jakinda Espainiako Gobernuak agintea zergatik ez zuen hartu galdetu du: "Gobernuak 17:30ean 80.000 valentziarren bizitza arriskuan egon zitekeela jakinda ez zuen agintea bere gain hartu CECOPIn, Gobernua bera parte den organoan, erabakiak hartzeko gai ez zirelako?".
Aaemetek, Espainiako Larrialdietarako Unitate Militarrak eta Espainiako Gobernuak ezbaian jarri dituzte Mazonen adierazpenak.
Mazonek esan du "gezurra" eta "egunotako egiez handienetako bat" dela bost orduz bazkari batean inkomunikatuta egon izana; izan ere, 18:28an Cullerako alkatearekin eta "beste batzuekin" hitz egin zuela esan du: "Ni ez nintzen inkomunikatuta egon. CECOPI 17:00etan osatu zen, eta ni 17:30ean deiak jasotzen ari nintzen, kontseilariarenak, Diputazioko presidentearenak…".
Era berean, esan du eguneko agendari eutsi ziola "mundu guztia prest" zegoelako eta bera parte ez den organoa osatuta zegoelako.
Horren esanetan, hori da egiez handienetakoa, CECOPI "guztiz osatuta" zegoelako eta "inor ez zegoelako Generalitateko presidentearen zain erabakiak hartzeko".
Sanchezek Kongresuan agerraldia eskatu du azaroaren 27rako, goialdeko depresioari buruzko azalpenak eman ditzan.
Mazonek berretsi du ezinezkoa izango zela Generalitatearen zain egon behar izatea erabaki teknikoak hartzeko, horrek "erreakziorako gaitasunik eza" eragingo lukeelako.
Larrialdietarako Unitate Militarra ere izan du hizpide, eta kritikatu du "aldi berean esatea Generalitatearen baimenik gabe ezin dela martxan jarri, ezin zuela ezer egin, eta egun batzuk geroago esatea Generalitatearen baimenik gabe lanean ari zela. Zein da egia?".
Cullerako alkateak ukatu egin du goialdeko depresioaren berri eman ziola Mazonek deitu zionean
Jordi Mayor Cullerako (Valentzia) alkateak aitortu du Carlos Mazonek deitu egin ziola urriaren 29an, baina zehaztu du ez ziola egoera meteorologikoaren inguruko jakinarazpenik eman, eta gaineratu du ez dakiela zergatik deitu zion.
Deian, Jordi Mayorrek esan zion Culleran ez zuela euririk egin egun horretan, Jucarren izan ezik, eta begiradak ibaian jarrita zituztela azaldu zion, gainezka egiteko arriskua zegoelako. Gainera, "hasiera batean lasai" zeudela ere esan zion Mayorrek, Algemesiko Jucar ibaiaren emaria pixkanaka jaisten ari zelako.
Hots, herritarrei 20:00 aldera salelako telefonoetara bidali zitzaien abisuak jakinarazi zion ibaiaren emaria berriz igotzen ari zela. 21:20 arte ez zuen mezu gehiagorik jaso, mugikorraren bigarren abisua izan arte. "Generalitateak ez zigun jakinarazi Jucar ibaiak gainezka egiteko arriskua zegoela", gaineratu du Mayorrek.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.