Pujolek ziurtzat jo du Katalunia ez dela independentea izango, eta CDCren amaiera akatsa dela uste du
Jordi Pujol Generalitateko presidente ohiak ostiral honetan aitortu duenez, bere ustez Katalunia "ez da inoiz independentea izango", Espainia "oso herrialde boteretsua delako", eta Convergencia Democratica de Catalunyaren (CDC) amaiera akatsa dela uste du.
"Orain gehixeago esan daiteke independentziaren kontu hau oso zaila dela ikusi dela", esan du Castellerterçolen (Bartzelona) egindako omenaldi batean. CiUko (Convergencia i Unio) buruzagi askok parte hartu dute bertan, besteak beste, Artur Mas Generalitateko presidente ohiak, Xavier Trias Bartzelonako alkate ohiak eta Nuria de Gispert kontseilari eta Parlamentuko presidente ohiak.
Ekitaldiaren amaieran hitza hartu du Pujolek, eta, gaztetan katalanismora egindako hurbilketak gogora ekarriz, onartu du orduan ere ez zuela uste Katalunia inoiz independente izatera iritsiko zenik, eta hala esan izan ziola, 19 urterekin, bere lagun independentziazale bati. Baieztapen hori errepikatu du gaur, eta hamabost urte barru ere ez dela independente izango gaineratu du.
"Guk autonomia nahikoa duen herrialde bat lortu behar dugu, Enric Prat de la Ribaren herrialdea", adierazi du Generalitateko presidente ohiak.
Horren harira, alderdi independentistei zuzenduz, azpimarratu du Katalunia "neguan bizirik" mantentzearen alde egin beharko luketela, "Espainiren kontu hau ez baita atzo goizekoa, beti izan baitu mentalitate hori".
"Espainiako Gobernuak eztabaidatu ezin duen sistema bat lortu behar dugu", hizkuntza, kultura eta irakaskuntza bezalako alderdiak inplikatuko lituzkeena, "merezi duen herri bat" egiteko, gaineratu du Pujolek, eta Espainiako Gobernuarekin hitzarmenean ikusten du horretarako bidea.
Ekitaldian, eta Mas edo Felip Puig CDCko buruzagi ohien aurrean, Jordi Pujolek aitortu du "mereziko" zukeela Convergencia mantentzea, eta alderdia "trauma bat gainditzeko gai izatea". Trauma horren ardura bere gain hartu du.
"Hura salba zitekeen. Baina orduan denak urduri jarri ziren. Ulertzen dut. Ni erretiratzen naiz eta gaitzesten nauzue, baina zuek jarraitu egin behar duzue. Hau ez da ondo joan, baina oraindik garaiz zabiltzate, denok. Ahal duzuen neurrian jarraitu behar duzue, egiten genuen guztia efgiten, eta politika haiei eusten", adierazi du.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseiluak, Poliziari buruz esandakoagatik
Begoña Gomez auzipetzeko kaleratutako autoan, epaileak dio Poliziak ihes egiteko laguntza eman diezaiokela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.