Mario Fernandez Kutxabanken lehen presidentea eta aurreneko Eusko Jaurlaritzaren lehendakariordea zendu da
Mario Fernandez (Bilbo, 1943) Kutxabankeko lehen presidentea eta Francoren diktaduraren ondotik aurreneko Eusko Jaurlaritzaren lehendakariordea hil da gaur 81 urte zituela, EITBk baieztatu duenez.
Fernandez Zuzenbidean lizentziaduna zen Deustuko Unibertsitatean, eta Merkataritza Zuzenbideko irakasle izan zen 1966tik. 2009an, BBKko presidente hautatu zuten, Xabier de Iralaren ordezko gisa. Euskal Autonomia Erkidegoko hiru kutxek bat egin eta 2012an Kutxabank sortu ondoren, erakunde horretako presidente izendatu zuten. 2014ko azaroaren 27an dimisioa eman zuen.
1997tik 2002ra, BBVAko Lege Gaietarako zuzendari nagusia izan zen, eta konpainiako Zuzendaritza Batzordeko kidea. Hala ere, BBVArekin harremana lehenago hasi zen, bere bulegotik bertatik Latinoamerikan bankuak eta pentsio-funtsak kudeatzen dituzten erakundeak erosteko aholkularitza eman eta operazio batzuetan parte hartu zuen eta.
Bere ibilbide politikoari dagokionez, Carlos Garaikoetxearen Eusko Jaurlaritzako lehendakariordea eta Transferentzien Batzorde Mistoko presidentea izan zen. Zehazki, lehendakariorde izan zen 1982tik 1985era. 1984ko apirilean EAJk legebiltzarkide hautatu zuen eta Gobernuan jarraitu zuen 1985eko urtarrilean kargua utzi zuen arte.
2018ko otsailean, Auzitegi Gorenak atzera bota zuen Mario Fernandez Kutxabanken presidente ohiak aurkeztutako kasazio-helegitea eta, ondorioz, berretsi egin zuen 2017ko martxoaren 20an Bizkaiko Lurralde Auzitegiak ezarri zion sei hilabeteko kartzela-zigorra, bidegabeko jabetza egotzita. Ebazpenaren berri izan ostean, Fernandezek Repsolen Administrazio Kontseiluan zuen kargua utzi zuen.
Erreakzioak
Imanol Pradales lehendakariak eta Marisol Garmendia Espainiako Gobernuak Euskal Autonomia Erkidegoan duen ordezkariak doluminak adierazi dituzte heriotzagatik. "Eusko Jaurlaritzaren sendotzean politikari garrantzitsuenetako bat izan da, inteligentziaz eta kudeaketa-gaitasunez lagundu baitzuen Gernikako Estatutua eta euskal autogobernua zabaltzen", azpimarratu du Garmendiak, X sare sozialean.
Andoni Ortuzar EAJren presidentearen ustez, Fernandez "hitz errazeko, ideia argiko eta euskal konbikzio nazional sakoneko pertsona" eta "lehendakariorde handia" izan zen, eta "bankuan zein abokatutzan izugarrizko ezagutza pilatu zuen".
"Buru pribilegiatua, polifazetikoa eta Euskadirekiko konpromiso handia zuen herritar baten heriotza", deitoratu du Ortuzarrek. Gainera, nabarmendu du BBKren buru gisa egindako lana, eta gero, EAEko hiru kutxen bat-egitearen ondoren, Kutxabanken egindakoa.
Hain zuzen ere, Kutxabankek "doluminak" helarazi dizkie Mario Fernandezen senide eta lagunei. "Erreferentziazko profesionala, gure mugen barruan eta kanpoan, Marioren ibilbidea bere prestigioak eta Euskadiri zerbitzua emateko borondateak markatu dute", nabarmendu du bankuak, ohar batean.
"Kutxabanken presidentetzan, Mariok aurrera eraman zuen Euskadiko finantza-sistemarako proiekturik erabakigarrienetako bat, euskal kutxen bat-egitea eta Espainiako bankuen kaudimen eta eraginkortasun buru eta gure lurraldeetako familientzat eta enpresentzat erreferente gisa martxan jarritako banku baten eraketa", gaineratu du.
Bestalde, Anton Arriola Kutxabanken egungo presidenteak esan duenez, "Mario 80ko hamarkadan sortu zen Euskadi berri baten ordezkaririk onena izan da". "Kutxabank osatzen dugun guztiek gogoratuko dugu Mario, aintzatespenez eta mirespenez", erantsi du. Era berean, BBK-k Fernandezen "ekarpena eta ibilbidea" balioan jarri du, eta doluminak helarazi dizkio haren familiari.
CONTENIDO NO ENCONTRADO
Zure interesekoa izan daiteke
Marlaskak "ahalik eta lasterren" neurriak iragarri ditu espazio publikoetan arma zurien erabilerari aurre egiteko
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.