Eusko Jaurlaritzak eta Kanarietako Gobernuak adingabe migratzaileen "bidezko" banaketa bat eskatuko dute
Eusko Jaurlaritzak eta Kanariar Uharteetako Gobernuak inoren kargura ez dauden adingabe migratzaileen banaketa "orekatua, koordinatua, ordenatua eta bidezkoa" planteatuko dute ostiraleko Presidenteen Konferentzian, eta diru gehiago ematea "ahalegin handiagoa" egiten duten erkidegoeei.
Imanol Pradales lehendakaria eta Fernando Clavijo Kanarietako presidentea Gasteizen bildu dira gaur arratsaldean, ostiral honetako Santanderreko Konferentziari begira adingabe horiei arreta emateko proposamen bateratu bat prestatzeko. Bertan, jatorrizko herrialdeekin lankidetzan aritzea ere proposatuko dute, euren baitan bizitza-proiektuak bultzatzeko eta "migrazio zirkularraren bidez, joan-etorri ordenatuak sustatzeko".
Batzarraren ostean, Clavijok prentsaurrekoan gogorarazi du GOIDI edo erupzioa bezalako tragedietan "erkidegoek ahalegin handia" egin dutela. Horregatik, proposamen honek "harrera positiboa" izatea espero du, "egiturazko fenomenoa" baita.
Euskal Autnomia Erkidegoa (EAE) "iparraldeko muga" izateko eskaera berretsi du Nerea Melgosa Ongizate, Gazteria eta Erronka Demografikoaren sailburuak, Kanariak hegoaldeko muga diren aldetik.
Pradalesek eta Clavijok Espainiako Gobernuari eta gainerako erkidegoei proposatuko diete hiru hilabeteko epean horren inguruko akordioa lortzea gaur egungo presioa gutxitu eta migrazioa kudeatzeko estrategia lasaitasunez landu ahal izateko. Horretarako lege dekretu bat indarrean jartzea eskatuko dute.
Testu bateratua adostu dute lehendakariak eta Kanarietako presidenteak, gainerako erkidegoekin eta Espainiako Gobernuarekin gutxieneko akordioa lortzea da helburua. Migrazioaren ondorioz tentsionatuta dauden erkidegoetan presioa baretu eta egoerari aurre egiteko estrategia garatu eta bitartekoak lortzeko denbora behar dela nabarmendu dute. Hiru hilabeteko epean lege dekretu bat garatzea da asmoa.
Melgosak azaldu duenez, adostutako testuak lau puntu ditu: adin txikiko migratzaileak era duinean artatu ahal izateko baliabide ekonomikoak; erkidegoen arteko banaketa orekatua; eta jatorrizko herrialdeetan formakuntza dira eskari nagusiak. Horrekin batera, Euskadi Europara heltzeko iparraldeko muga gisa aitortua izan dadila ere eskatuko du.
Kanarietako presidenteak azpimarratu du "ezinbestekoa" dela migrazio fenomenoari erantzuteko berehalako eta epe luzeko neurriak lantzea. Kanariar uharteetan gainezka daudela gogorarazi du.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.