Federico Mayor Zaragoza, ministro ohi eta UNESCOren zuzendari nagusi ohia, zendu da
Federico Mayor Zaragoza hil da gaur, 90 urte zituela. Mayor Zaragoza Hezkuntza eta Zientzia ministro izan zen 1981etik 1982ra, eta UNESCOren zuzendari nagusi, 1987tik 1999ra.
Javier Padilla Estatuko Osasun idazkariak baieztatu du heriotza, X sare sozialean argitaratutako mezu batean. Bertan, heriotza deitoratu du, eta Mayor Zaragoza "gure herrian jaioberrien baheketa bultzatzeko gehien lan egin zuen pertsonetako bat" dela nabarmendu du.
Francisco Francoren diktaduran, 1974etik 1975era, Carlos Arias Navarroren Espainiako Gobernuko Hezkuntza eta Zientzia idazkariordea izan zen.
1976ko apirilean, Kataluniako Administrazio Araubide Berezia Aztertzeko Batzordeko presidente izendatu zuten. Batzorde horrek erregimen autonomikoa aztertu behar zuen Kataluniako lau probintzietarako.
Lehen hauteskunde orokorretan parte hartu zuen, eta UCDren diputatu izendatu zuten (1977-1978). Trantsizioan, Espainiako Gobernuko presidentearen kontseilaria (1977-1978) izan zen, baita Hezkuntza eta Zientzia ministroa (1981-1982) eta Europako Parlamentuko diputatua ere, Zentro Demokratiko eta Sozialean (1987).
1978an UNESCOren zuzendari nagusiaren ondoko izendatu zuten, eta 1981ean Espainiara itzuli zen arte aritu zen karguan. 1987an, UNESCOren 24. Konferentzia Nagusian zuzendari nagusi izendatu zuten, eta kargu horretan jarraitu zuen 1999ra arte.
Bestalde, 2013ko urtarrilean, ETAko presoak Euskal Herriko espetxeetara hurbiltzearen alde Bilbon egin zen manifestazioa babestu zuten pertsona ezagunetako bat izan zen.
2019an, Iñigo Urkullu lehendakariak Giza Eskubideen Rene Cassin saria eman zion Federico Mayor Zaragozari, "bakeari, hezkuntzari eta giza eskubideei eginiko ekarpenagatik".
Zure interesekoa izan daiteke
Extremadurako bozek hauteskunde ziklo berri bat abiatuko dute gaur Espainiako Estatuan
09:00etan zabaldu dituzte hauteslekuak. 890.985 herritarrek dute botoa emateko eskubidea: 556.424k Badajozen eta 334.561ek Caceresen. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa jasoko du. Voxek eta Unidasek, aldiz, gora egingo dute, inkestek iragarritakoa betez gero.
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.