Esteban, energien gaineko zergari buruz: "Hemen planta asko egiten dira, baina, muinean, ezer gutxi"
Aitor Esteban EAJk Kongresuan duen bozeramaileak adierazi du astelehen honetan EAJk energia enpresen kargaren aurka bozkatuko duela, neurri horrek "Kontzertu sistema hausten" duela iritzita. Horren ildotik, gogorarazi du EAEko funtzionamendua "hemen sortzen dena biltzea" dela, eta adierazi du honekin guztiarekin "Podemos plantak egiten ari dela".
Radio Euskadin egindako elkarrizketa batean, Estebanek esan du ez daudela "batere ados zerga bidezko gai bat karga bidez egitearekin"; izan ere, EAJren bozeramailearen arabera, "azkenean, foru erkidegoekiko harremanen printzipioa erabat hausten du horrek", eta hitzartu beharreko gaia dela iritzi dio.
Podemosek gai honetan hartu duen jarreraren inguruan esan du "ez dagoela muinik": "Hemen planta asko dago, baina mami gutxi". Era berean, kritikatu egin du Podemosek giroa gaiztotu izana.
Espainiako Gobernuak neurri sorta bat onartuko du astelehen honetan, urteko azken Ministro Kontseiluan. Neurri horien artean, energia enpresei ezarritako karga luzatzea dago, Diputatuen Kongresuak joan den astean onartu zuen zerga indargabetu aurretik indarrean sar dadin. Alderdi Popularrak, Voxek, EAJk eta Juntsek babestu zuten indargabetzea.
EAJren diputatuarentzat industria energetikoa "funtsezkoa da, diru sarreren ehuneko oso garrantzitsua dakarkielako bai osasunari, errepideei, eta hezkuntzari, eta lanpostu asko sortzen dituelako". Gainera, "deskarbonizaziora bidean" energiaren alorrean "inbertsioak egitea" beharrezkoa dela uste du Estabanek.
Hala, jeltzaleek Madrilen duten bozeramailearen esanetan, "arazoa da ez dela nahikoa ordaintzen esparru batzuetan (bankuek, energia enpresek eta beste enpresa handi batzuek), arazoa sozietateen gaineko zerga da", eta, hortaz, "hori berrikusi dezatela, litekeena delako gaizki diseinatua egotea".
Lanaldi murriztua
Asteko lanaldia 37,5 ordura murrizteko Lan Ministerioaren planteamenduaz galdetuta, Aitor Estebanek esan du alderdi jeltzaleak "dramatismorik gabe" ikusten duela proposamena, baina "letra txikia" ere ongi aztertzea komenigarria dela.
Bestalde, esan du "dramatismorik gabe" ari direla hizketan Euskadik Gizarte Segurantzaren erregimen ekonomikoa kudea dezan, eta negoziatzeko "borondatea" ikusten duela akordio bat erdiesteko.
Azkenik, Euskal Y-a Nafarroarekin lotzeko txosten teknikoak aurrera doazela nabarmendu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.