Eskoletako auzia "harrokeriaz eta hezkuntza akordiotik aldenduta" heltzea egotzi dio EH Bilduk Jaurlaritzari
Nerea Kortajarena EH Bilduk Eusko Legebiltzarrean duen bozeramailearen ustez, Eusko Jaurlaritzak Hezkuntzako sindikatuekin duen lan gatazka —gaurtik hasita, 12 greba egun daude deituta— ez da "harrokeriaz" konponduko, eta zentzu horretan, "hezkuntza akordio zabal eta ilusionagarriaren izpiritua" berreskuratzeko deia egin dio Hezkuntza Sailari, hortik "aldenduta" ikusten baitu.
Kortajarenak Euskadi Irratiko "Faktoria" saioan egin dioten elkarrizketa batean nabarmendu duenez, hezkuntza sistemak hainbat erronka ditu —jaiotza-tasaren jaitsiera, migrazioaren fluxuak eta digitalizazioa— eta horiei buruzko "sakoneko eztabaida" egin behar da. Horren harira, aitortu du eztabaida hori ez dela lan baldintzetara mugatzen, baina langileen baldintzak kontuan hartu behar direla.
Hori horrela, negoziazio mahaian "hezkuntza akordioaren perspektiba on horretan oinarritzen diren akordioak" lortzeko deia egin dio Jaurlaritzari.
Etxebizitzaren auziari ere heldu dio EH Bilduren bozeramaileak, gaur Euskadiko Hirigintza eta Etxebizitza Foroaren lehen bilera egin dutela eta. Horren aburuz, foroak "lagungarri" izan badaitezke ere, ez dira erabateko irtenbide. "Arazoa ez da marketing eta eszenifikazio batekin konponduko", erantsi du.
Are, EAJk "sinesgarritasun arazoa" duela salatu du, herritarren etxebizitza sarbidea "blokeatzen" ari dela uste baitu. Azaldu duenez, udalak "gune tentsionatuak izendatzeko egiten ari diren esfortzuaren aurrean", aldundiek ez dituzte eman dagozkien pausoak. "Eider Mendoza buru duen Aldundiak, adibidez, ez du atera prezioen indizea", kritikatu du. Gainera, EAEko egoera Nafarroakoarekin alderatu du, eta argitu Foru Erkidegoan, EH Bilduren ekimenez, gobernuak hartu zuela bere gain gune tentsionatuak izendatzeko ardura; EAEn, aldiz, "udalen gainean erori da pisu guztia".
Horren guztiaren atzean zer dagoen galdetu du Kortajarenak: "Agian EAJ eta PSE-EEren arteko desadostasunak daude medio, edo, bestela, igual, EAJri zaio interesatzen Etxebizitzaren Legearen garapenak arrakastarik ez edukitzea, badakigulako denok lege horren kontra bozkatu zuela".
Zerga erreformaren negoziazioan, bestalde, hautua egiteko deia egin die aldundiei: "Arinkeriaz jokatu nahi bada, PP da egokiena"; fiskalitateari buruzko eztabaida "serio eta sakona" nahi bada, ordea, elkarrizketarako prest dago koalizioa.
Aldundiak prozedura "errespetatzea" eskatu du
Kortajarenak tentsionatutako herrietako informaziorik ez pasatzea egotzi eta gero, Gipuzkoako Foru Aldundiak erantzun du joan den astean alokairuko familien finantza-ahaleginaren inguruko datuak igorri zizkiola Eustati.
Horren ildotik, foru erakundeak nabarmendu du "elkarlanean" ari dela Ministerioarekin eta Eustatekin, zehaztasun guztiak "epe laburrenean" tratatzeko. "Izan ere, ezin da ahaztu eskakizunak egiteko prozedura bat dagoela tratatzen den informazioa konfidentziala delako, eta prozedura hori errespetatu beharra dago", gaineratu dute.
Zure interesekoa izan daiteke
UCOk Cerdani buruz egindako azken txostenak hautsak harrotu ditu Nafarroan
UPNk eta Nafarroako PPk Maria Chivite Foru Gobernuko presidentearen aurka egin dute, eta PSNk, berriz, Santos Cerdan buruzagi sozialista ohiaren "jokabide onartezina" deitoratu du.
Sanchezek Cerdani buruz: "Erantzukizun politikoa hartu dugu, eta orain Justiziaren garaia da"
Espainiako Gobernuko presidenteak adierazi duenez, gobernua "Justiziarekin elkarlanean aritu da" eta "irmo jokatu du"; hori dela eta, orain "ikerketen garapenaren zain egotea" dagokio.
EAJk hiru kargu publiko izendatzea eskatu zion Cerdani, UCOren txosten baten arabera
Informazio zabaldu eta berahala, EAJk ukatu egin du Guardia Zibilaren txostenean jasotakoa. Jeltzaleek esan dute ez dutela inolako loturarik 'Koldo auzia' dela eta ikertzen ari diren ustelkeria sareakin, eta ziurtatu dute aipatzen diren izendapen eskarien inguruan ez dakitela ezer.
EHUrekin dituen desadostasunak konpontzeko "aukerak" daudela adierazi du Perez Iglesias sailburuak
Joserramon Bengoetxea EHUko errektorearekin izandako liskar horrek auzi politikoei erantzuten ote dien galdetuta, Perez Iglesiasek erantzun du Bengoetxeak dagoeneko adierazi duela hori ez dela horrela. "Berak ezetz esan zuen eta sinetsi egin behar diot", gaineratu du.
Martxoak 3 eta Sanfermines 78 elkarteek Estatuari eskatu diote Francorik gabeko frankismoaren biktimak aitortzeko
Mozioak aurkeztuko dituzte hainbat udaletan osoko bilkurako taldeen atxikimendua eskatzeko eta udalbatzek Gobernuari eskatu diezaioten Estatuaren erantzukizuna onar dezala eta egiarako eskubidea bermatzeko benetako urratsak eman ditzala. Era berean, martxoaren 3ko elkartea minduta eta gutxietsita sentitu da, Martxoaren 3ko Memorialaren Fundazioko Patronatuak bilera egin duelako haiekin kontatu gabe.
Accionaren bidez lortutako esleipenen % 2 jasotzen zuen Cerdanekin lotutako Servinabar enpresak, eskupekotan
Guardia Zibilaren UCO unitatearen azken txostenak dio, baita ere, Cerdanen familiako hainbat kideri ordainketak egin zizkiola Sevinabarrek, nominen, etxebizitzen alokairuen edota kreditu txartelen bidez.
Auzitegi Gorenak Accionako zuzendari ohi bat eta bi mendeko inputatu ditu, 'Koldo auzia' ren azken erregistroen ostean
Justo Vicente Pelegrini, Tomas Olarte eta Manuel Jose Garcia dira inputatuak. Leopoldo Puente magistratu instruktoreak joan den ostiralean zortzi miaketa agindu zituen piezaren gaineko sekretua kendu du; besteak beste, Accionak Madrilen eta Bilbon dituen egoitzak eta Donostiako Erkolan eta Noran enpresak miatu zituzten.
Karmele Tubilla, Santurtziko alkatea: "Ez dago frogatuta injerentziarik izan dela azterketa teorikoan"
Karmele Tubilla EAJren Santurtziko alkateak azaldu duenez, pasa den urriaren 6an erabaki zuen Sonia Lopez Segurtasun zinegotziari ardura guztiak kentzea, batik bat, oposizioari lotutako informazio garrantzitsua ezkutatzeagatik. Galderak e-mailean jaso arren, ezin izan dute frogatu horiek filtratu egin zituenik. Oposaketak aurrera jarraitzen du eta Lopezek zinegotzi akta uzteko asmoa agertu du.
AHTren loturari buruzko konpromisoak betetzeko eskatu die Pradales lehendakariak Madrili eta Parisi
"Europako Batzordearen aurrean abiadura handiarekin hartutako konpromisoak bete ditzaten eskatuko nieke bi ministroei", adierazi du Pradales lehendakariak Parisen, Frantziako hiriburura egindako bi eguneko bisitaren hasieran.
Morkaiko mendiko gurutzea eraitsi dute
Elgoibarko Udalak Bozeramaileen Batzordea deitu du gaur arratsalderako, gertatutakoa aztertu eta aurrera begirako urratsak erabakitzeko. Agiri batean zehaztu duenez, egun, "elgoibartarrentzat, Morkaikuko gurutzea ez da erregimen frankistaren oroitzapen edo gorespen leku bat", "mendizaletasunarekin identifikatzen" duten herriko "beste ikur bat" baizik.