Ultraeskuinari "Euskadin egiten dituzuen gisako politika aurrerakoiekin" aurre egiteko dei egin du Sanchezek
Pedro Sanchez Espainiako Gobernuko presidenteak PPri eskatu dio "Troiako zaldi gisa" aritzen direnekin eta "Europa barrutik erorarazi" nahi dutenekin "akordio oro" hausteko.
Espainiako gobernuburu eta PSOEko idazkari nagusiak Donostiako Kursaalen hitz egin du Euskadiko PSE-EEren 10. Kongresuaren lehen jardunaldian, Eneko Andueza berriro euskal sozialisten idazkari nagusi izendatu duten bilkuran.
Sanchezek ultraeskuinaren arriskuaz ohartarazi du bere hitzartzean, "bai Espainiakoa bai nazioartekoa", eta "hemen Euskadin egiten dituzuen eta Espainian egiten ditugunak bezalako" politika aurrerakoiekin borrokatzeko deia egin du. "Sozialista izatea historiaren alde zuzenean egotea da", gaineratu du.
Hitzaldian, Donald Trumpen administrazioaren muga-zergen "mehatxua" eta Santiago Abascal Voxeko buruzagiaren erreakzioa aipatu ditu, "Sanchezen errua" zela esan baitzuen, eta segidan, "hurrengo egunean, Feijoo jaunak gauza bera" esan zuela gogorarazi du.
Espainiako Gobernuko presidentearen esanetan, muga-zergen "mehatxu" horren aurrean "oso argi" du non egongo den Espainiako Gobernua, eta ziurtatu du "zuhurtziaz eta irmotasunez" nekazarien, abeltzainen, industriaren, enpresen, langile espainiarren eta Europaren alde egongo dela, "Europaren interesak Espainiarenak direlako".
"Erraza da esatea non egongo diren ultraeskuina eta eskuina, ahoa ireki ez dutenak, txintik esan ez dutenak, isilik daudenak. Badakizue zergatik? Ahulari egurra ematen diotelako, eta boteretsuari, koipea". "Haien leloa ez da 'aberriagatik dena', haien leloa 'diruagatik dena' da", gaineratu du.
"Ultraeskuina gogaitzen" duten neurriak
PSOEko buruzagiaren arabera, "ultraeskuinari aurre egiteko modurik onena politika aurrerakoiak egitea da, eskubideen eta askatasunen ikuspuntu materialetik, jendearen beharrei eta eskaerei erantzuten dietenak, konponbide justuak dakartzatenak".
Horregatik, eskuinari eta ultraeskuinari "lan-erreformak traba egiten badie" Espainiako Gobernuak "lanaldiaren murrizketa Gorte Nagusietan ezarri eta onartuko" duela esan du. "Enbarazu egiten dizue lanbidearteko gutxieneko soldata? Bada, LGS igotzen jarraituko dugu aurten eta hurrengoan eta hurrengoan eta hurrengoan", irabarri du.
Feminismoak "traba" egiten badie, Espainiako Gobernuak "legegintzaldi honetan Genero Indarkeriaren aurkako Estatu Ituna berrituko du", erantsi du, eta "ekologismoa" bada gogaitzen dutena, Espainia 2030ean "% 80ko elektrizitatea energia berriztagarritik" lortuko duen herrialdea izatera eramango du Gobernuak. "Hori da nahi dugun autonomia energetikoa, garbia dena eta Espainiak ugari duena", azaldu du.
Gazari eta Ukrainari buruz
Gazako egoeraz, Nazioarteko Zuzenbidea errespetatzeko eskatu du Sanchezek, "bereziki humanitarioa", eta palestinarrak Palestinan eta israeldarrak Israelen "baketan, harmonian eta segurtasunez" bizitzea aldarrikatu du.
"Ezein higiezinen operaziok ez du estaliko Gazan urte hauetan izan diren bidegabekeriak, gizateriaren aurkako krimenak eta lotsaizuna. Ezin da onartu, eta Espainiatik ez dugu onartuko", gaineratu du.
Ukrainari dagokionez, Sanchezek "multilateralismoa" aldarrikatu du Nazioarteko Zuzenbidearekin hautsi nahi dutenen aurrean, eta bake negoziazioak hasten direnean, etorkizun ororen muinean "Ukrainaren protagonismoa eta lidergoa" egon behar direla nabarmendu du.
Europako segurtasunari buruzko edozein elkarrizketa egiten denean, "Europak mahaian egon behar du", horren esanetan.
Eneko Andueza: "konplexurik gabeko eta ahots propioa duen alderdia da gurea"
Eneko Andueza PSE-EEko idazkari nagusiaren arabera, PSE-EEk "Euskadiren etorkizuna gidatuko du, batzuek hala nahi ez badute ere", eta, nabarmendu duenez, "konplexurik ez duen eta ahots propioa duen alderdia" da, "egonkortasunaren bermea" baitira, "abenturak alboratu eta euskal politika arrazionaltasun terminoetan kokatzeko".
Anduezak Donostiako Kursaal Jauregian egin ditu adierazpenok, atzera alderdiko idazkari nagusi izendatu duen PSE-EEren 10. Kongresuan.
Kudeaketa Txostenaren aurkezpenean egindako hitzaldian Anduezak azpimarratu du PSE-EE dela, gaur-gaurkoz, "garapenaren, aurrerapenen eta egonkortasunaren ardatz, eta politikaren eraldaketarako tresna gisa" erabiltzen duena.
Aurreko zuzendaritzak "ondo egindako lana" aitortu eta Idoia Mendiari egindako lana eskertu ostean, buruzagi sozialistak esan du alderdikideak beti izango direla "herri honetan printzipio demokratikoak eta bakearen, askatasunaren eta aurrerabidearen balioak defendatzeko bermea".
"Konplexurik gabeko alderdia da, pentsatzen duena esaten duena", eta "zenbaitek lerro batzuk gainditu nahi dituztenean ahotsa altxatzen duena", Anduezaren arabera, eta horren adibidetzat aipatu ditu Hezkuntza Legea, garraio publikoan deskontuen defentsa edo enplegu edo etxebizitza legeen defentsa. "Argi hitz egiten duen alderdia gara, ezkutuko agendarik ez duena", azpimarratu du.
Zure interesekoa izan daiteke
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.
PPk eta UPNk, EH Bilduk Iruñean egin duen ekitaldiaren harira: "Nafarroa ez da inoiz euskalduna izango"
Sayasen esanetan, Nafarroa "forala eta espainiarra da historikoki, ordenamendu juridikoak hori diolako eta, batez ere, nafar gehienen nahia hori delako". Bestalde, Ibarrolak nabarmendu du UPNk bermatzen duela "Nafarroa euskal errepublikaren parte ez izatea".
Ertzaintzaren aurkako pintaketa gehiago egin dituzte Amurrion
Amurrioko futbol zelaian azaldu dira oraingoan pintaketak, eta agente bat seinalatu dute. Segurtasun Sailak gaitzetsi egin du gertatutakoa, eta salatu du horrelakoek zuzenean erasotzen dietela bizikidetzaren eta demokraziaren balioei.
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".