Fernando Buesa eta Jorge Diez omendu dituzte ETAk hil zitueneko 25. urteurrenean
Fernando Buesa politikari sozialista eta haren bizkartzaina, Jorge Diez ertzaina, omendu dituzte larunbat honetan haien familiek, lagunek eta erakundeetako eta euskal alderdietako ordezkariek, ETAk hil zituela 25 urte bete diren egunean.
Omenaldia Gasteizen egin da, Buesa eta Diezen oroimenez 2000ko otsailaren 22an biak hil zituzten tokian eraiki zen monolitoaren ondoan, Nieves Cano eta Aguirre Miramon kaleak elkartzen diren tokian.
Atentatua Eusko Jaurlaritzako lehendakariorde, Arabako ahaldun nagusi eta Eusko Legebiltzarreko PSE-EEren bozeramaile izandakoaren etxebizitzatik gertu gertatu zen. Jorge Diez Elorza gasteiztarra zuen une hartan bizkartzain, Ertzaintzaren hamahirugarren promozioko agentea.
Urtero bezala, Buesaren alarguna, Natividad Rodríguez, eta Diezen gurasoak izan dira monolitoan arrosa gorriak jarri dituzten lehenak, Imanol Larzabal kantariaren Ausencia kantua entzuten zen bitartean.
Ondoren, gainerako senideek loreak utzi dituzte, baita erakundeetako eta alderdi politikoetako ordezkariek ere, Imanol Pradales lehendakariak tartean.
Duela urte batzuetatik hona ohiko den gisan, EH Bilduko ordezkaritza bat bertaratu da, oraingo honetan Pello Otxandiano Eusko Legebiltzarreko bozeramailea eta Rocio Vitero koalizio abertzaleak Gasteizko Udalean duen bozeramailea buru zirela.
Loreak jartzeko ilaran zirela, baina, Jorge Diezen ama, Begoña Elorza, haiengana hurbildu da, eta bertatik erretiratzeko eskatu die keinuen bidez. Une horretan, EH Bilduko ordezkariek ilaratik aldentzea erabaki dute, eta azkenean ez dituzte loreak utzi.
Gero, komunikabideek gertatutakoari buruz galdetu diotenean, Diezen amak uko egin dio adierazpenik egiteari.
Ekitaldian izan dira euskal sozialisten ordezkaritza handi bat, Eneko Andueza idazkari nagusia buru zuela, baita Andoni Ortuzar EAJko presidentea, Eusko Jaurlaritzako zenbait sailburu, Bakartxo Tejeria Eusko Legebiltzarreko presidentea, Ramiro Gonzalez Arabako ahaldun nagusia eta Maider Etxebarria Gasteizko alkatea ere.
Euskal alderdi politiko guztiek bidali dituzte ordezkari instituzionalak, Voxek izan ezik. Consuelo Ordoñez ere bertan izan da, Gregorio Ordoñez ETAk hildako PPko zinegotzi donostiarraren arreba.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.