Pradales lehendakariak akordio handiak lortzeko dei egin die sindikatu eta enpresariei
Imanol Pradales lehendakariak negoziatzeko eta akordio zabalak lortzeko eskatu die sindikatu eta enpresariei, ziurgabetasunez beteriko nazioarteko testuinguruaren aurrean.
Zehazki, akordiorako gai nagusi hauek aipatu ditu: gutxieneko soldata propioa, produktibitatea, absentismoa, lan osasuna, soldatak eta gazteen lan baldintzak.
Deia egunkariak Euskalduna jauregian antolatutako foro batean lehendakariak azaldu duenez, Eusko Jaurlaritzak eragile sozioekonomikoekin kolaboratuko du, baina horiek ezin dute beste alde batera begiratu. Akordioa lortze aldera, uste du ezinbestekoa dela alde guztiek zeozeri uko egitea. Gutxieneko soldata propioari dagokionez, patronalari keinua egin dio eta esan du "eseri ez dena eseri dadila".
EAJk eta PSE-EEk proposatutako zerga berrikuspenari lotuta, arduraz jokatzeko eskatu die alderdi politiko guztiei. Halaber, gazteen, pertsona zaurgarrien, erdi mailako klaseen, enpresen, eta, oro har, gizartearen mesedetan, betoak kentzea eskatu dio oposizioari.
Erregimen orokorreko autonomia erkidegoei zorra barkatuko zaiela ere hizpide izan du lehendakariak agerraldian. Zorraren 83.000 milioi bere gain hartuko ditu Estatuak eta ikusteko dago kupoari nola eragingo dion 2027. urtetik aurrera. Azaldu duenez, Estatuak zor handiagoa bere gain hartzeak interesetan eragina izango du eta Eusko Jaurlaritzak interes horien % 6,24 ordaindu beharko du.
Bestalde, lehendakariaren iritziz, aurten "aukera" egon daiteke Gernikako Estatutua osorik "behingoz" betetzeko eta falta diren eskumenak eskualdatzeko. "2025aren amaierarako eduki beharko genuke itxita. Gauzak aurrera doaz, ondo doaz, baina motel doaz eta azkartu behar dugu abiadura", azpimarratu du.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.