Pasaiako segadan hildakoak biktima gisa aitortzea eskertu arren, familiek salatu dute ez dela justizia egin
1984. urteko martxoaren 22an Pasaian (Gipuzkoa) Espainiako Polizia Nazionalak tiroz hildako lau lagunak biktima gisa aitortu izana eskertu dute euren familiek, baina salatu dute oraindik ez dela justizia egin. Bide horretan, ezinbestekotzat jo dute sekretu ofizialen legea aldatzea; "nork, zergatik eta noren aginduz" hil zituzten jakin nahi dute, eta egileen inpunitateari amaiera eman.
Asteon jakin denez, Eusko Jaurlaritzaren Balorazio Batzordeak txosten bat egin du, Dionisio Aizpuru, Pedro Mari Isart, Rafael Delas eta Jose Mari Izura Komando Autonomo Antikapitalisten kideak motibazio politikoko indarkeriaren testuinguruan giza eskubideen urraketen biktima gisa aitortzea eskatuz. Familiek agerraldia egin dute, gaur, Azpeitian, albistearen balorazioa egiteko. Pozik agertu dira aitortzarekin, baina berandu iritsi dela diote.
"Orain bai, ofizialki Espainiako Estatuaren errepresioaren biktimak direla onartu dute", esan du Pello Aizpuruk, Dionisio Aizpururen anaiak. Nolanahi ere, "justizia" eskatzen jarraituko dutela ere esan du, eta horretarako "bide guztiak" agortuko dituztela epaitegietan. Nazioarteko auzitegietara jotzea ere ez dute baztertu.
Ildo beretik mintzatu da Arantxa Isart, Pedro Mari Isarten arreba. "Aitortza hau beranduegi" iritsi dela esan du, eta biktimen gurasoak izan ditu gogoan: "haietako inork ez zuen jaso semeak bortizki hil zituzten aitortza". Horrekin batera, Espainiako Gobernuari eskatu dio "dakiena kontatu" dezala, sekretu ofizialean legea aldatuta.
Urte hauetan guztietan, Jaurlaritzaren tratuarekin kritiko agertu dira.
"Epaiketaz kanpoko exekuzioa"
Larunbatean beteko dira 41 urte dozenaka poliziak Komando Autonomo Antikapitalisten lau kideak tiroka hil zituztenetik. Jaurlaritzaren Balorazio Batzordeak egin duen txostenaren arabera, "epaiketaz kanpoko exekuzioa" izan zela ondorioztatu daiteke.
"Autopsiak hor daude: lau gazteek armak erabili zituztela ebazteko frogarik ez, kontakizun ofizialean kontraesan nabarmenak eta horiek objektiboki zalantzan jartzen dituzten lekukotzak eta datu periferikoak; Poliziaren agintariek gertakarietan agindu eta/edo materialki parte hartzeko ardura duten agenteen nortasuna azaltzeari eta prozesuan eskatutako informazioak atzeratzeko, oztopatzeko eta ezkutatzeko, behin eta berriz egin dituzten maniobrak. Faktore horiek guztiek judizioz kanpoko exekuzio bilakatzen dute operazioa", dio txostenean jasotako pasarte batek.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.