Martinez: "Medikuntzako tituluak homologatu behar ditugu, Osakidetzak ezin duelako gehiago itxaron"
Alberto Martinez Osasun sailburuak igande honetan adierazi duenez, atzerriko unibertsitate-tituluak homologatzeko gaitasuna Euskadira eskualdatzeko aukerari ateak ixteak "ondorio kezkagarriak" ditu Osakidetzarentzat, eta Osasun Ministerioari arlo horretan esku hartzeko eskatu dio, osasun-sistemak "ezin duelako gehiago itxaron".
Osasun Sailak zabaldutako oharrean, Martinezek Auzitegi Gorenaren epaia kritikatu du, transferentzia hori baliogabetzeagatik, eta ohartarazi duenez, Eusko Jaurlaritzaren eta Espainiako Gobernuaren arteko aldebiko akordio politikoa "zapuzteaz" gain, "albiste txarra" da Euskadiko osasun sistemarentzat, ondorio "kezkagarriak" baitakartza.
Sailburuaren hitzetan, Osasun Saila Osakidetzan profesional berriak sartzeko egiten ari den lanaren "gurpilean makilak" sartzea da; izan ere, atzerriko tituluak homologatzea "profesional sanitarioen gabezian lagun dezakeen aukeretako bat da".
Eskumen hori Euskadira eskualdatzearen aukera "lurrundu" egin dela azpimarratu du Martinezek, eta prozesu horrek izan dezakeen ibilbide judiziala dena-delakoa izanda ere, "argi dago gaur egun eskumen hori bere gain duenak, hau da, Osasun Ministerioak, erreakzionatu egin behar duela", erantsi du.
Horren arabera, gai hau "Estatu mailako arazo larria" da, eta salbuespenezko neurri eraginkorrak behar ditu.
"Atzerriko tituluen homologazioarekin egiten ari ginen urratsari zangotraba egin diote, baina ez da horregatik gelditu behar. Ezin da aitzakia izan. Gaur egun, erantzukizun horrek, gradu-tituluak eta espezialitate-tituluak homologatzeak, badu erantzule bat, eta transferentzia bere berme juridikoekin gauzatzen ez den bitartean, Ministerioak erantzun egin behar du", azpimarratu du.
Gainera, medikuen falta arintzeko Ministerioari proposatu dizkion beste neurri batzuk gogorarazi ditu, hala nola borondatezko erretiro-adina 72 urtera luzatzea familia-medikuntzarako, edo prestakuntza espezializatuko plazak handitzea.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.