Hasi da datozen urteetako "bide-orria" zehaztuko duen EAJren batzar nagusia
IX. Batzar Nagusia egiten ari da asteburu honetan Euzko Alderdi Jeltzalea Donostiako Atano III.a pilotalekuan. "Alderdia gara" goiburu dutela egiten ari diren ekitaldian, jeltzaleek Aitor Esteban izendatuko dute EBBren presidente berri, azken hilabeteetan bizitako berritze-prozesuari amaiera emanez.
Aste honetan utzi du Aitor Estebanek Kongresuko eserlekua, eta igandean hartuko du alderdiaren buruzagitza, Andoni Ortuzarri lekukoa hartuta. Ortuzar 12 urtez izan da alderdiaren presidente.
Barne-prozesuan, Ortuzarrek berriro hautatua izateko behar beste babes lortu zituen, baina beste hautagaitza bat zegoela ikusita, alde batera egitea erabaki zuen, barne-konfrontazioa saihesteko eta alderdiaren zuzendaritza aldatzeko.
EAJren jarduketa politikoa gidatuko duten bost txosten politikoak onartuta abiatu da Batzar Nagusia, 10:00etan. "Euskadi, nazioa Europan", "Aberri oparoa eraikitzea askeago izateko", "Mundu hobe, jasangarri eta baketsu batera irekia den nazioa", "Bere herriaren zerbitzura dagoen alderdia" eta "Erakunde demokratiko bat" dira aipatu txostenen izenak. Izaskun Bilbaok, Unai Rementeriak, Oihane Agirregoitiak, Ane Miren Atinek eta Imanol Lasak azaldu dituzte bertan bildutako militanteen aurrean.
Presidente berria eta EBBren berritzea
Igandean, berriz, EBB berria osatuko duten kideak hautatuko dituzte, 2025-2029 aldirako. Aurreikuspenen arabera, Esteban 11:30 aldera izendatuko dute alderdiko presidente.
Euzkadi Buru Batzarra (EBB) osatuko duten kideak ere hautatuko dituzte. Hauek izango dira: Manu Tejada (Abanto-Zierbenako alkate ohia), Andoni Busquet (Basauriko alkate ohia), Miren Martiarena (Eusko Jaurlaritzako Gobernu Ireki eta Onaren zuzendaria), Maitane Ipiñazar (Bizkaiko burukidea), Markel Olano (Gipuzkoako diputatu nagusi ohia), Ion Gambra (GBBko kidea), Joseba Diez Antxustegi (EAJren bozeramailea Eusko Legebiltzarrean) eta Javier Ollo (legebiltzarkide nafarra).
700 militante bildu dira Donostiako Atano III.a pilotalekuan. Sinbologia berezia duen pilotalekua da; izan ere, 1970eko irailean, Joseba Elosegi militante jeltzaleak bere buruari su eman zion bertan, Francisco Francoren aurrean, Gernikako sua bere "erretzaileen begietaraino" eramateko, eta harmailetatik kantxara egin zuen jauzi, "Gora Euskadi askatuta" oihukatuz. 1976ko ekainaren 13an "Euskaldunak etorkizunera begira" lelopean egin zen mitin historikoa ere pilotaleku horretan egin zen.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.