Jaurlaritzak Konstituzionalera eramango du Gorenak tituluen homologazioen inguruan hartutako erabakia
Eusko Jaurlaritzak babes errekurtsoa aurkeztuko dio Gorenak tituluen homologazioen inguruan hartutako erabakiari, eta Auzitegi Konstituzionalera joko du horretarako.
Hala iragarri du Maria Ubarretxenak, Eusko Jaurlaritzako bozeramaile eta Gobernantza, Administrazio Digital eta Autogobernuko sailburuak. Gasteizen emandako prentsaurreko batean azaldu duenez, Euskadiren "autogobernua defendatzeko" aurkeztuko du errekurtsoa Jaurlaritzak.
Eusko Jaurlaritzaren ustez, benetako babes judiziala urratu da. "Defentsa-gabezia alegatuko da Auzitegi Gorenaren epaiaren aurrean, honek gainditu egin dituelako bere eginkizunak Estatuaren eta Euskal Autonomia Erkidegoaren arteko eskumen-banaketa mugatu nahian, alor hori Konstituzio Auzitegiaren funtzio espezifiko bat baita duen konstituzio garrantzia dela-eta", adierazi du Ubarretxenak.
"Gernikako Estatutuak, 16. artikuluaren bidez, irakaskuntzaren eskumena aitortzen dio Euskadiri bere osotasunean eskumenaren eskualdaketarekin, helburua ez da titulu akademikoak homologatzeko baldintzak arautzea, ezta horiek garatzeko oinarrizko arauetan eragitea, homologazioak emateko gaitasunaz ari gara soilik", azpimarratu du Jaurlaritzako bozeramaileak.
Ubarretxenaren hitzetan, Konstituzionalean babes errekurtsoa aurkeztu aurretik, jarduketak deuseztatzeko intzidentea jarriko du Auzitegi Gorenean, ezinbesteko urratsa baita Auzitegi Konstituzionalera jo ahal izateko.
Era berean, kaltetuak suertatu diren pertsonek ere jarduketak deuseztatzeko intzidentea aurkeztu ahal izango dute Auzitegi Gorenaren aurrean, prozesuan interesdun gisa lekukotuak izan ez direlako, eta, ondoren, eta hala badagokio, Auzitegi Konstituzionalean babes errekurtsoa aurkeztu ahal izango dute.
200 homologazio-eskaera
Bestalde, Eusko Jaurlaritza eta Espainiako Gobernua aztertzen ari dira Euskadik kudeaketa-gomendio iragankor bat bere gain hartzea, epai honen ondorioz ebatzi gabe geratu diren 200 homologazio-eskaerei irteera emateko. "Unibertsitate Sistemaren Lege Organikoaren 10. artikulua aldatzeko aukera aztertzen ari gara, legeak jaso dezan homologazio-prozesuak eta baliokidetasun-adierazpenak autonomia-erkidegoei dagozkiela", gaineratu du sailburuak.
Azkenik, Ubarretxenak azaldu duenez, bide berri bati ekingo dio konstituzio-jurisdikzioaren alorrean, "hau da, Transferentzien Batzorde Mistoan hartutako erabakiak jurisdikzio horri dagozkiola argi eta garbi arautuko duen lege organiko bat izapidetzeari ekingo diogu", erantsi du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.