Asensio Gipuzkoako PSE-EEko idazkari nagusi hautatu dute berriro, botoen % 98,5ekin
Jose Ignacio Asensio, Jasangarritasuneko diputatua eta Gipuzkoako lehen diputatu nagusiordea, Gipuzkoako PSE-EEren idazkari nagusi hautatu dute berriro igande honetan, Gipuzkoako PSE-EEren X. Kongresuan, botoen % 98,5 jasota.
"Gipuzkoa, hemen eta orain" leloarekin Donostian egin den biltzarrean parte hartu duten 150 ordezkariek alderdiko gainerako karguak ere hautatu dituzte. Azahara Dominguez Mugikortasun, Turismo eta Lurralde Antolaketako foru diputatua izendatu dute alderdiko idazkariorde nagusi Gipuzkoan.
Susana Corcuera idazkariorde nagusiak kargua utzi du Gipuzkoako PSE-EEko presidente berria izateko, eta Mikel Duran Antolakuntza idazkari izendatu dute.
Horrez gain, Maite Arana Larraulgo alkatea Politika Instituzionaleko idazkari izendatu dute; Arritxu Marañon batzarkidea, Memoria, Berdintasun eta LGTBIko idazkari; Goizane Alvarez foru diputatua, Kultura eta Kirol idazkari; eta Juantxo Marrero zinegotzi donostiarra, Etxebizitza idazkari.
Batzorde Betearazleko gainerako idazkaritzak hauek izango dira: Nuria Alzaga (Prestakuntza); Alfonso Gurpegui (Enplegua eta Gizarte Politikak); Monica Pedreira (Trantsizio Ekologikoa eta Lehiakortasuna); Maria Luisa Garcia (Zientzia eta Ikerketa, Hezkuntza eta Euskara); Ricardo Crespo (Azterlanak eta Programak), Ana Telleria (Hiri Agenda) eta Íñigo García (Gizarte Mugimenduak, GKE eta Immigrazioa).
Biltzar horretan bertan, parte-hartzaileek Batzorde Probintzialeko kideak eta Batzorde Nazional eta Federaleko Gipuzkoako ordezkariak ere izendatu dituzte, baita Batzorde Betearazlea ere, aldeko 131 botorekin eta % 98,5eko babesarekin.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.