Melgosak Espainiako Gobernuari jakinarazi dio EAEk 859 adingabe migratzaile artatzen dituela
Euskal Autonomia Erkidegoak (EAE) Espainiako Gobernuari jakinarazi dio une honetan inoren kargura ez dauden 859 adingabe migratzaileri arreta ematen ari zaiela. Gainera, adingabeak hartzeko plazen (atzerritarrak izan edo ez) benetako okupazioa 1.939koa da.
Nerea Melgosa Ongizate, Gazteria eta Erronka Demografikoko sailburuak adierazi duenez, Sailak gaur helarazi dizkio datuak Gazteria eta Haur Ministerioko Haurren eta Nerabeen Eskubideen Zuzendaritza Nagusiari, horretarako azken egunean.
Erkidegoek emandako kopuruak erabakigarriak izango dira Atzerritarren Legearen 35. artikulua erreformatzeko Junts eta Espainiako Gobernuaren arteko akordioaren ondorioz zenbat haur eta nerabe banatuko diren jakiteko.
Erkidegoek martxoaren 31ra arte itxaron dute Espainiako Gobernuari harreran dauden adin txikiko migratzaileen kopurua jakinarazteko.
Melgosak "erantzunkidetasuna" eta "dagokien lana" egiteko eskatu die gainerako erkidegoei, "Euskadi dagoeneko egiten ari delako". Espainiako Gobernuari jakinarazitako kopuruak EAEri dagokion adingabeen kopurua bikoiztuko lukeen galdetuta, baietz erantzun du sailburuak. "Guk beti esan dugu egia, uste dut aldundiek egia esan dutela", adierazi du.
Gaineratu duenez, "aldundietako batek" "erabaki jakin batzuk" hartu behar izan zituen (Bizkaiari erreferentzia eginez), "gertatzen ari zena gertatzen ari zelako".
Hori dela eta, "Eusko Jaurlaritzak eta aldundiek beti izan duten erantzukizunaren mesedetan", banaketa "gainerako erkidegoekiko bidezkoa eta arduratsua" izatea eskatu zuten. Bere ustez, "Euskadik inbertsio handia egin du, eta oso garrantzitsua da beste erkidego batzuek ere inbertsio hori egitea".
Nerea Melgosak ohartarazi duenez, "haur horiek ahal den arretarik onena behar dute", eta "Euskadin zein beste erkidego batzuetan izan den hazkundea dela eta", "elkartasunaren eta harreraren printzipioa kontuan hartu behar da", baita "biztanleriarena, langabeziarena eta BPGarena ere".
Eusko Jaurlaritzak Espainiako Gobernuak bere proposamenak kontuan hartzea espero ote duen galdetuta, "ez dute beste aitzakiarik ez egiteko", adierazi du Melgosak. "Onartuta dago, eta duela bi aste dekretu gisa eraman zuen; orain onartu egin beharko dute", erantsi du.
Zure interesekoa izan daiteke
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.