Segregazioa, gazteen arteko indarkeria eta ongizate emozionala, eskola publikoaren erronken artean
2025-2028 Euskal Eskola Publikoaren Plan Estrategikoak bere "erronka nagusien" artean identifikatu ditu ikasle atzerritarren gorakada eta segregazio arriskua, gazteen arteko indarkeria —"beldur handia ematen du"— eta ongizate emozionala, pandemiaren ondoren ikasleak "zaurgarriagoak" direlako.
Begoña Pedrosa Hezkuntza sailburuak agerraldia egin du gaur Legebiltzarreko batzordean, egitasmoaren "sintesia" aurkezteko, joan den astean plana egiteko prozesu parte-hartzailea amaitu ostean. Hezkuntza sistemako eragile guztiek parte hartu dute prozesu horretan.
Oposizioko alderdiek (EH Bildu, PP eta Sumar) kritikatu egin dute, hain zuzen ere, aurretiaz prestatutako eta idatzizko egitasmorik ez egotea, eta gaitzetsi egin dute gaurko saioan beste gai garrantzitsu batzuk ere jorratu ez izana, hala nola azpiegituretan inbertsioak egitea edo irakasleen lanpostuak egonkortzea.
Pedrosak, ostera, eskola publikorako lehen plan estrategikoaren parte-hartze prozesuan jarri du arreta, familien, ikasleen, irakasleen eta hirugarren sektoreko eragileen ekarpenak jaso dituelako, eta sare publikoaren egungo "diagnostikoa" ondu dutelako.
Sailburuak hitzeman du "laster" osorik eramango diela egitasmo Legebiltzarreko taldeei, eta iragarri du hurrengo agerraldietan aurkeztuko dituela bai irakasleen lanpostuak egonkortzeko plana, bai inbertsioak.
Nolanahi ere, eskola publikoaren aldeko "apustu garbia" egin izana azpimarratu du, 2030erako azpiegituretan 750 milioi euro inbertitzeko asmoak erakusten duen moduan.
Era berean, Saila "inoiz baino irakasle gehiago egonkortzen" ari dela ere nabarmendu du: 5.300 irakasle 2022tik. Hala ere, sailburuak onartu du arlo horretan "oraindik ahalegina" egin behar dela.
Hamar ardatz, lau dimentsio zabaletan sailkatuta
Egitasmoak sare publikoari "identitate propioa" emateko ere balioko du, eta hamar ardatz estrategikotan egituratu da, lau dimentsio zabaletan sailkatuta. Lehenengoa hezkuntza komunitate osoaren erantzukidetasuna da.
Bigarrena bikaintasuna da, hau da, "ikasle guzti-guztien arrakasta". Bikaintasun horren barruan sartzen dira euskara, berrikuntza eta irakasleen errefortzua, irakasleak "lider" bihurtzeko.
Hirugarren atala ekitatea eta gizarte-kohesioa da, inklusioa, bizikidetza, hezkidetza eta ongizate emozionala helburu duten ekintzekin.
Eta laugarrena etengabeko hobekuntzari eta jasangarritasunari buruzkoa da, digitalizazioaren, nazioartekotzearen, ebaluazio kulturaren eta monitorizazioaren bidez.
Zure interesekoa izan daiteke
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek "diskriminazioak" iragarri ditu "parte hartu nahi ez duten" sindikatuentzako partaidetzari buruzko euskal legean
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, haien parte-hartzea "derrigorrezkoa" izan dadin.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.
Kitchen auziko polizia-ikerketaren buruak esan du Barne Ministerioak Barcenasi kontrol "sakona" egin ziola, espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela auziari buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.