Espainiako Gobernuak eta ezkerreko bazkide parlamentarioek nuklearren aurkako jarrera berretsi dute
Espainiako Gobernuak eta ezkerreko bazkide parlamentarioek energia nuklearraren aurkako jarrera berretsi dute gaur Diputatuen Kongresuan, eta energia berriztagarriari protagonismo handiagoa ematearen alde egin dute, apirilaren 28an Iberiar penintsulan izan zen itzalaldiaren ondotik.
Besteak beste, zentral nuklearren itxiera programatua berriz aztertzea proposatzen zuen PPren legez besteko proposamen baten harira, PSOEk eta Sumarrek, zein EH Bildu, Esquerra Republicana, BNG eta Podemosen parlamentariek energia berriztagarriaren bertuteak defendatu dituzte Behe Ganberako tribunatik.
Ekimenaren eztabaidan, Cristina Narbona ministro ohi sozialistak esan du zentral nuklearren bizitza erabilgarria luzatzeko interesik ez duten lehenak energia konpainiak direla. Orain arte ez dute "Gobernuaren mahai gainean inolako proposamenik jarri" zentral nuklearren jarduera luzatzeko, erantsi duenez.
"Asko itxita daude, dagoeneko ez zaizkielako komeni energia berriztagarrien hedapen masiboari esker gaur Espainian lor daitezkeen prezio hain baxuak, jaun-andreok, eta hori aitortu nahi ez duzuen errealitate bat da", esan die Narbonak PPko diputatuei.
Sumarren txandan, Eloi Badia i Casasek zentral nuklearren ezegonkortasuna nabarmendu du, 2024an zortzi aldiz deskonektatu zirela argudiatuta, eta 2023an beste 11.
EH Bilduren txandan, Mikel Otero diputatuak nabarmendu du koalizio subiranistak beti esango diola "ezetz" energia nuklearrari, eta PPri aurpegiratu dio lehiakortasuna hobetu nahi duela nuklearrak mantenduz, teknologia hori berriztagarria baino garestiagoa denean. "Oso polita da nuklearrei buruz hitz egitea jaia nork ordainduko duen esan gabe", gaineratu du.
BNGren aldetik, Nestor Regok baieztatu du energia nuklearra ez dela "garbia", ezta "segurua" ere; Podemoseko Noemi Santanak, berriz, adierazi du zentral nuklearrak martxan mantentzea "askoz gehiago" kostatzen dela berriztagarrien alde egitea baino.
Teresa Jorda Esquerrako diputatuak PPri esan dio itzalaldia aprobetxatu behar duela nuklearren eztabaida berriro irekitzeko, eta hori "muturreko arduragabekeria" dela uste du, "berriztagarriak ez zirelako izan, inolaz ere, itzalaldiaren arrazoia".
Pilar Calvo Juntseko diputatuak "teknologien arteko gerra" batean ez erortzea defendatu du, Pedro Sanchezek egin zuen bezala. Horregatik, esan duenez, Espainian tentsio- eta maiztasun-aldaketen aurrean bateriak eta babes-sistemak falta direla ohartarazi dute zenbait adituk, eta, beraz, ezin dela gutxietsi ziklo konbinatuek edo zentral nuklearrek jokatzen duen papera.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.