Enplegu publikoan euskara legez babesteko bere proposamenari azken ukituak ematen ari da EAJ
EH Bilduk euskarari segurtasun juridikoa emateko Enplegu Publikoaren Legearen erreforma erregistratu eta biharamunean, EAJk baieztatu du asteak daramatzala enplegu publikora sartzeko prozesuetan hizkuntza eskubideak bermatu daitezen proposamen bat lantzen. Gaineratu du datozen egunotan PSE-EErekin proposamena adosteko "azken saiakera" egingo duela.
Onda Vascan egindako elkarrizketa batean, Jone Berriozabal Arabako EAJko presidenteak aitortu du espero duela jeltzaleek eta PSE-EEk aste honetan akordioa ixtea. Bere alderdiak "nolanahi ere" esan du "egin behar duena" egingo duela, alegia, "pauso bat aurrera" eman "euskararen normalizazioan aurrera egiteko". Eta horren neurriak aktiboki martxan jartzea beharrezkotzat ikusi du.
Euskararen aurkako epaien aurrean kezka adierazi du Berriozabalek; izan ere, "sentsibilitate desberdinen artean historikoki lortutako adostasunak murrizten ari dira", bere ustez, eta zalantzan jartzen ari da "administrazio publikoan euskararen erabilera normalizatzeko egindako lana".
Nolanahi ere, ikusteko dago alderdi sozialistarekin akordiorik izango ote den, Eneko Andueza PSE-EEko idazkari nagusiak atzo Euskadi Irratian argi utzi baitzuen eurek ''hizkuntza-eskubideen eta lan-eskubideen artean, lan-eskubideak lehenetsiko dituztela.
Euskara biziberritzeko nazioarteko biltzarra, 2027an
Bistakoa zen astelehenean Bilbon egindako "Euskararen Jauzi Kualitatiboa" ekimenean Imanol Pradales lehendakariak esandakoak eztabaida piztuko zuela. Gogoratu behar da lehendakariak iragarri zuela Jaurlaritzak euskara biziberritzeko nazioarteko biltzarra egingo duela 2027an.
Eta lehen adierazpenak hurrengo goizean iritsi ziren. Pello Otxandianok EH Bilduren bozeramaleak Naiz irratiari atzo eskainitako elkarrizketan esan zuen euskarak behar duen jauziak "ezin duela bi urte itxaron", eta jakinarazi zuen Enplegu Publikoaren Legearen erreforma erregistratuko zuela, euskarari lege-babesa bermatu asmoz.
Taldearen asmoa da "bi hizkuntzen eskakizuna orokorra izatea", eta "salbuestea, betiere modu justifikatuan eta objektiboan, botere publikoek zehaztutako lanpostuak". Kasu horietan, euskara-eskakizuna meritu gisa baloratuko litzateke.
EH Bilduk euskarari lege-babesa bermatu asmoz gaur Legebiltzarrean erregistratu duen Enplegu Publikoaren Legearen erreforma "atal gehigarri" moduan ikusten du Maria Ubarretxena Eusko Jaurlaritzaren bozeramaleak, baina horren arabera euskararen biziberritzea ez da etorriko ''lege zehatz batean aldaketa puntual bat eginez''.
Albiste gehiago politika
Lehendakariak baztertu egin du Cerdan auziak EAJ-PSE gobernuari eragitea: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak Cerdan auziak Euskadin izan ditzakeen ondorioez galdetu diotenean.
"Sanchezen aldetik, irmotasun, gardentasun eta azkartasun handiagoa behar da"
Lehendakariaren ustez, Espainiako legegintzaldia "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: "Akordio batzuk zabaldu izana gustatuko litzaidake"
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabaltzea, batez ere aurrekontuen arloan". Gainera, lehendakariak kritikatu du zenbait unetan gobernukideek publikoki erakutsi dituztela desadostasunak. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.
Nafarroako Gobernua akusazio partikular gisa aurkeztuko da ‘Koldo auzian’
Foru Gobernuko iturriek azaldu dutenez, Maria Chivitek dagoeneko iragarri duen ikuskaritza hirukoitzaren baitan hartutako erabakia da, “gardentasuna” bermatzeko neurri gehigarri gisa.
Rufianek, Sanchezi: ''Zin egizu hau ez dela PSOEren 'Gurtel auzia'''
PSOEren 'Gurtel auzia' ez dela ziurtatzeaz gain, Gabriel Rufian ERCren bozeramaileak Sanchezi eskatu dio inplikatutako enpresen aurka egitea eta "ustelkeriatan dabilen oro bizi osorako inhabilitatzea". "Ezkerrak ezin du lapurtu", adierazi du.