Santos Cerdanek dimisioa eman du PSOEko Antolakuntza idazkari gisa eta diputatu akta utziko du
Hala ere, Cerdanek bere errugabetasuna berretsi du, "ez dut inoiz legez kanpoko ezer egin", adierazi du gaur igorritako ohar batean. Oharrak ez du PSOEren idazpururik. Pedro Sanchez Espainiako Gobernuko presidenteak agerraldia egingo du Ferrazetik, 17:15etik aurrera.
Santos Cerdan, Kongresuan. Argazkia: EFE
Santos Cerdan PSOEko Antolakuntza idazkariak dimisioa eman du eta diputatu akta ere utziko duela iragarri du, Guardia Zibilaren txostena argitara eman ostean.
Hala ere, Cerdanek bere errugabetasuna berretsi du, "ez dut inoiz legez kanpoko ezer egin", adierazi du gaur igorritako ohar batean. Oharrak ez du PSOEren idazpururik.
Horrela, Cerdanek berak sinatutako ohar batean iragarri duenez, kargu guztiak utziko ditu bere alderdiaren eta Espainiako Gobernuaren defentsan, "hainbeste zor baitie". Aurrerantzean bere defentsan bakarrik arituko da "azalpen guztiak" emateko, "inoiz" ez duelako legez kanpoko ezer egin, eta ez dela inoren konplize izan frogatzeko.
Justiziarekin erabateko lankidetza iragarri du, eta ekainaren 25ean agertuko da Auzitegi Gorenean, gaur borondatez deklaratzea eskaini baitio.
Errugabea dela berretsi eta deklaratu ostean argi geratzea espero duela esan ostean, egindako ekintzak eta bereziki aipatzen diren txostenak aztertzeko prozedura judizialean parte hartzea eskatuko duela aurreratu du, bere figuraren inguruan "zalantza guztiak uxatzeko".
"PSOEko Antolakuntza idazkari izatea nire bizitzako pribilegiorik handiena izan da", adierazi du Cerdanek oharrean, eta kargu hori beti lagun izango duen ohorea izan dela ziurtatu du.
"Hori, eta Gobernu aurrerakoi bat osatzen lagundu izana, Espainia bere hazkunde, enplegu eta eskubide mailarik handienak lortzera eraman duena. Eta hori guztia zoritxarrak gorabehera, arazo asko izan baitira ", gaineratu du.
Ildo horretan, "garai zailak dira, baina PSOE inoiz baino beharrezkoagoa da", erantsi du.
Pedro Sanchez Espainiako Gobernuko presidenteak agerraldia
Santos Cerdanek bere kargu guztien dimisioa eman eta gutxira, Pedro Sanchez Espainiako Gobernuko presidente eta PSOEko idazkari nagusiak iragarri du prentsaurrekoa emango duela Ferrazetik, 17:15etik aurrera.
Zure interesekoa izan daiteke
Abian da Udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.