Abalos Auzitegi Gorenean da, eta epaileak atzera bota du Garciak deklarazioa atzeratzeko egindako eskaera
Era berean, magistratuak baztertu egin du Nafarroako Gobernua akusazio gisa aurkeztea, ez baitu zehaztu zer egitatek ekarriko luketen kaltedun izatea. Maria Chivitek zuzendutako Gobernuak akusazio partikular gisa aurkeztea eskatu zuen joan den astean.
Abalos ministro ohia. Argazkia: EFE
Jose Luis Abalos Garraio ministro ohi eta PSOEko Antolakuntza idazkari ohia Auzitegi Gorenera iritsi da. Leopoldo Puente epailearen aurrean deklaratuko du, obra publikoetan esleipen irregularretan parte hartzea egotzita. "Ustel" oihu artean hartu dute.
Koldo Garcia aholkulari ohiak, berriz, 12:00etan du hitzordua. Bere abokatuak deklarazioa atzeratzea eskatu du goizean, kasua aztertzeko denborarik izan ez zuela argudiatuta, baina Leopoldo Puente epaileak uko egin dio eta Garraio Ministerioko aholkulari ohia 11:30ak aldera iritsi da Salestarren Jauregira.
Nafarroako Gobernua ez da akusazio partikular gisa aurkeztuko
Eta magistratuak uko egin dio, baita ere, Nafarroako Gobernua akusazio gisa aurkezteko eskaerari, ez baitu zehaztu zer egitatek ekarriko luketen kaltedun izatea. Maria Chivitek zuzendutako Gobernuak joan den astean erabaki zuen akusazio partikular gisa aurkeztea.
Azken asteotako polizia-jardueren ondotik —tartean, zalaparta handia eragin duen UCOren txostena—, epailearen galdeketei ekingo zaie.
Gaur biek deklaratuko dute, baina ez dira izango auzi honekin zerikusia dutelakoan epaituko dituzten bakarrak; izan ere, PSOEko hirugarrena, Santos Cerdan, nahastuta omen dago. Gauzak horrela, Auzitegi Gorenak eskatu du haren kontuak miatzea, eta ekainaren 30ean joango da epailearen aurrera. Cerdan, Koldo eta Abalosek ekain amaierara arte deklaratuko dute, eta uztailaren hasieran esleipen irregularren truke eskupeko horiek ordaindu omen zituzten enpresarien txanda izango da.
Lehen aldiz agertuko dira jendaurrean Guardia Zibilaren Unitate Zentral Operatiboaren txostenak Abalos eta Koldo seinalatu zituenetik, Garraio Ministerioaren lehen agintaldian (2018-2021) eraikuntza alorreko enpresetan egin omen zituen esleipen irregularrak direla, eta Santos Cerdan PSOEko hirugarren agintari ohia ere aipatu zuenetik. Azken horrek dimisioa eman eta eserlekua utzi egin zuen.
Santos Cerdan ekainaren 30ean agertuko da, eta uztailaren hasieran bost enpresaburuk egingo dute agerraldia epailearen aurrean, esleipenetan parte hartu omen zutelako eta eskupekoak jaso omen zituztelako, antza.
Informazioa osatzeko lanean ari gara
Politikari buruzko albiste gehiago
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
‘Kalera Kalera’ ekimenaren barruan 2016 eta 2020 urteen artean 120 ongietorri ekitaldi antolatzea leporatuta, ezker abertzaleko 6 kideren aurkako epaiketa hasi da gaur Auzitegi Nazionalean. Saioa hasi orduko, epaileak akordioaren berri eman du. Fiskaltzak bost urte eta zazpi hilabeteko espetxea eskatzen zuen seirentzat, biktimak umiliatzea eta talde kriminaleko kide izatea egotzita.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.