Espainiako Gobernuak eta Generalitateak diru-sarreren araberako finantzaketa-eredua hitzartu dute, baina ez dute zehaztu datarik ezta kopururik ere
Eredu berriaren arabera, Kataluniak —eta gainerako autonomia erkidegoek, nahi izanez gero— zerga guztiak bildu eta tributuen saski batera bideratuko dira. Hala, saski horretatik aterako da Espainiako Estatuak Katalunian haren gastuak finantzatzeko kopurua, eta gainerakoa Generalitatearentzat izango da.
Lurralde Politikako eta Memoria Demokratikoko ministro Angel Victor Torres eta Presidentziako kontseilari Albert Dalmau. Argazkia: EFE
Espainiako Gobernuak eta Generalitateak erkidegoen finantzaketa-sistema berria adostu dute, astelehen honetan. Sistema hori erkidegoen diru-sarreren araberakoa izango da, eta ez gastuaren araberakoa, orain arte bezala. Egutegiaren eta kopuruaren gainean, baina, ez dute ezer zehaztu.
Akordioaren abiapuntua PSCk eta ERCk duela ia urtebete sinatu zuten konpromisoa da, Salvador Illa Generalitateko presidente izendatzea erraztu zuena, hain justu. Angel Victor Torres Lurralde Politikako eta Memoria Demokratikoko ministroak eta Albert Dalmau Presidentetzako kontseilariak aurkeztu dute akordioa, prentsaurrekoan.
Eredu berriaren arabera, Kataluniak —eta gainerako autonomia erkidegoek, nahi izanez gero— zerga guztiak bildu eta tributuen saski batera bideratuko dira. Hala, saski horretatik aterako da Espainiako Estatuak Katalunian haren gastuak finantzatzeko kopurua, eta gainerakoa Generalitatearentzat izango da.
Era berean, akordioak aurreikusten du etorkizunean Kataluniako Zerga Agentziak (ATC) biltzea Katalunian sortutako zerga guztiak.
Kataluniako Zerga Agentziak modu independentean lan egingo du, eta ez da egongo Espainiako Zerga Agentziaren pean. Nolanahi ere, adierazi dutenez, elkarlanean arituko dira, "Kataluniako ogasuna ezin delako deskonektatuta egon".
Politikari buruzko albiste gehiago
UNESCOren hezkuntzari buruzko erreferentziazko txostenaren Aholku Batzordean sartu da Euskadi
Hezkuntza sailburuak UNESCOren Parisko egoitzan izan da akordioa sinatzen. GEM Report txostenaren Aholku Batzordean parte hartzeak "ahotsa eta ikusgarritasuna emango dio" Euskadiko Autonomia Erkidegoari "hezkuntzari buruzko etorkizuneko erabakietan", Eusko Jaurlaritzaren arabera.
Nerea Kortajarena (EH Bildu): "Jaurlaritzak tresna legalak zituen eskura Falangearen elkarretaratzea debekatzeko edo oztopatzeko"
EH Bilduko legebiltzarkide eta programa zuzendariak Euskadi Irratian azaldu duenez, Jaurlaritzak "Ordena Publikoaren Legea, Memoriaren Legea eta Herritarren Babeserako Legea" erabil zitzakeen Falangearen elkarretaratzea debekatzeko, jakina zelako "faxistak faxistakeriak egitera zetozela, ez Ama Zuriari loreak jartzera".
Zupiria: "Gasteizen modu bortitzean jokatu zuten gazteek izan zuten jokaera totalitarioa eta erabili zuten indarkeria"
Eusko Jaurlaritzako Segurtasun sailburua "Egun On, Euskadi" saioan izan da, eta, besteak beste, igandean Gasteizen izan ziren istiluei buruz hitz egin du.
Nerea Kortajarena (EH Bildu): "EAJk eta PSE-EEk erabaki beharko dute bidea norekin egin nahi duten"
EH Bilduko legebiltzarkideak Euskadi Irratian azaldu duenez, ez luke logiko ikusiko EAJk eta PSE-EEk PPrekin adostea aurrekontuak, batetik, EAJk "iragartzen dituen garai ilunak, hain zuzen ere, PPren eta Voxen eskutik etorriko direlako", eta, bestetik, PSE-EEren kasuan, "PP delako Estatuko Gobernuaren kontrako ofentsiba erreakzionarioaren buru".
Eneko Goiak hunkituta esan dio agur Donostiako alkatetzari
Donostiako alkate kargua politiko gisa izan duen ardurarik “zoragarriena” dela esanez agurtu da. Eskerrak eman dizkie udalbatzako kideei eta lankideei, eta familiari eskerrak ematean hunkitu da. Jon Insaustik hartuko du bere lekukoa.
Legez besteko bi proposamen egin dituzte Legebiltzarrean, Falangeak Gasteizen egindako ekitaldiko istiluen ondorioz
EAJk eta PSE-EEk testu bat proposatu dute istiluak "irmo" gaitzesteko. EH Bilduk, aldiz, faxismoaren edozein ekitaldi publiko debekatzea proposatu du.
Iruñeko Erorien Monumentuan museo bat egitea proposatu du adituen batzordeak, kupulari "protagonismoa" kenduta
Batzordearen esanetan, "errepresioaren testigantza materialak" gordetzea baliagarria da memoria historikoa eraikitzeko tresna gisa. Horrela, "totalitarismoa gurtzeko leku zena pentsamendu kritikoko gune bihurtu nahi da, 1936ko estatu-kolpearen sustraiei, testuinguru historikoari eta ondorioei buruzko ezagutza historikoa, eta balio demokratikoak sustatzeko ekintza politiko eta kulturalerako gune".
Koldo Garciak aske jarraituko du
Leopoldo Puente epaileak Koldo Garcia aske uztea erabaki du, bezperan Jose Luis Abalos Garraio ministroarekin egin bezala. Halaber, orain arteko kautelazko neurriak bere horretan utzi ditu.
Gazte batek salatu du pilotakada bat jaso zuela aurpegian Gasteizko istiluetan
Aritz Ibarra gazteak Radio Vitorian jakinarazi du igandean Falange Españolaren bilkuraren testuinguruan sortutako istiluetan Ertzaintzak jaurtitako foam pilota batek masailhezurra apurtu diola eta salaketa jarri duela epaitegietan. EH Bilduren ustez, gertatutakoa larria da oso, eta Ertzaintzak barne-ikerketa abiatu du.
EAJk eta PSE-EEk legez besteko proposamena erregistratu dute, Legebiltzarrak Gasteizen izandako istiluak gaitzetsi ditzala eskatzeko
Joseba Diez Antxustegi eta Ekain Rico EAJren eta PSE-EEren legebiltzarkideek EAJk eta PSE-EEk elkarrekin Eusko Legebiltzarrean erregistratu duten legez besteko proposamenaren berri eman dute ostegun honetan.