Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Tarragonako epaile bat Cristobal Montoro (PP) Ogasun ministro ohia eta bere lantaldea ikertzen ari da , ustez gas enpresei laguntzeko lege aldaketak bultzatu zituen "influentzia sare" bat sortzeagatik, Equipo Economico (EE) sozietateari egindako "ordainketa esanguratsuen" truke.
Ebazpen batean, Tarragonako epaile batek Montorori (2000 eta 2004 artean Jose Maria Aznarrekin eta 2011 eta 2018 artean Mariano Rajoyrekin Ogasun ministro izan zena) eta beste 30 bat ikerturi funtzionario-eroskeria, administrazio publikoaren aurkako iruzurra, prebarikazioa, influentzia-trafikoa, debekatutako negoziazioak, ustelkeria eta agiriak faltsutzea egotzi die.
Epaileak orain arte sekretupean izan duen auzian, Montoro buru zuten Ministerioko hainbat goi-kargudun daude ikertuta, hala nola Miguel Ferré orduko Ogasuneko Estatu idazkaria, Pilar Platero aurrekontuen estatu-idazkariordea, Felipe Martinez Ogasuneko idazkariordea eta Diego Martin-Abril zergen zuzendari nagusia, besteak beste.
AFGIM elkartea osatzen duten konpainiak ere ikertzen ari dira (Air Liquide, Abello, Messer, Praxair eta Sociedad Española de Carburos Metalicos). Epailearen arabera, enpresa horiek "onartu egin zuten" Equipo Economicori "ordaintzea" zergetan erreformak lortzeko.
Ebazpenak azaltzen duenez, 2018an hasi zen ikerketaren arabera, gas enpresek birritan kontratatu zuten Equipo Economico, "influentzia sarea" erabil zezan, beren asmoekin bat zetozen lege erreformak egin zitzaten, hala nola Elektrizitatearen gaineko Zerga Berezia jaistea lortzeko.
Epailearen ebazpena
Gas enpresek birritan kontratatu zuten Equipo Economico, bere influentzia sarea erabil zezan, konpainien asmoekin bat zetozen lege erreformak egin zitzaten
Epailearen hitzetan, ustelkeria sareko "kide askok Gobernuko eta Administrazio Zentraleko goi-karguak zituzten, eta hortik influentzia sare bat sortu zuten, irabazi ekonomikoak lortzeko".
"Horrela, ordainketa esanguratsuen truke, eta funtzio publikoa ustez gehiegikeriarekin erabiliz, modu erabakigarrian esku hartzen zuten legeen erreformetan, horiek bezeroen interesen arabera aurrera eramateko; izan ere, aurretik saiatu arren, konpaniek ezin izan zituzten erreformak lortu, eta, beraz, erreforma horiek burutzeko aipatutako erakundera jo zuten", azpimarratu du ebazpenak.
Epaileak zehaztu duenez, AFGIMek eta hura osatzen duten enpresek ez zuten arrakastarik izan, nahiz eta hainbat kontsultategitara jo aldeko legedia lortzeko, administrazioak uko egin baitzion egin nahi zizkioten aldaketak sartzeari.
Horren aurrean, Equipo Economicora jo zuten, eta, "itxurazko arrazoirik gabe", erdietsi zuten lege erreforma "AFGIMen eskaerei erantzunez egitea, lege-testuak idaztera ere iristen baita, eta hori guztia diru asko ordainduz".
Zure interesekoa izan daiteke
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Estatuak 1976ko Gasteizko sarraskian izan zuen papera aitortzea baztertu du Senatuak, eztabaida gogor batean
Tentsioa areagotu egin da Josu Estarrona EH Bilduren senatariak, PPren aulkiari begira eta ukabila gora zuela, hau esan duenean: "Hil ezin izan zenituzten langileen bilobak gara!". Javier Arenasek (PP) Estarronaren esaldia kentzeko eskatu dio presidenteari, eta Javier Maroto Senatuaren presidenteordeak onartu egin du eskaera.
AEBren eta Iranen arteko gatazka baretzeko "batasunetik" lan egiteko eskatu dio Pradalesek EBri
Imanol Pradales lehendakariak AEBren eta Iranen arteko gatazka baretzeko "batasunetik eta ahots bakarrarekin" lan egiteko eskatu dio Europar Batasunari, eta aldez aurretik estatuek bat egin beharko dute, "Europan zatiketa ez delako positiboa".
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".
Jauregik uste du Trumpek "oztopoak" izango lituzkeela Espainiarekiko merkataritza harremanak eteteko, Europa "merkatu bakarra" delako
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak Euskadi Irratian esan du Trumpek "zail" izango lukeela Espainiaren kontrako merkataritza blokeoa aplikatzeko, Europa "merkatu bakarra" delako. Europaren indarra "batasunean" dagoela nabarmendu du. Hala ere, adierazi du AEBko Gobernuak "neurri indibidualekin min egin dezakeela".
Pradales lehendakariak hainbat gai ekarri ditu Bruselara
Lehendakaria Bruselara egiten ari den bidaia ofizialaren gakoak eman dizkigu Garazi Ayestak. Arratsaldean, Belgikako lehen ministroarekin bilduko da, eta euskara Europako erakundeetan ofizial izatea mahai gainean jartzea espero da.